കോഴിക്കോട് : ഉണങ്ങിയ തെങ്ങിന് തീപിടിച്ച് കടപുഴകി വീണ് ഒരാള്ക്ക് ദാരുണാന്ത്യം. വെള്ളിമാടുകുന്ന് കാട്ടറ പൊയില് താഴത്ത് ഗണേഷാണ് (60) മരിച്ചത്. സംഭവത്തില് ഇതര സംസ്ഥാന തൊഴിലാളിയുള്പ്പെടെ മൂന്ന് പേര്ക്ക് പരുക്കേറ്റു. പൂളക്കടവ് കൊഴമ്പുറത്ത് ഭഗവതി ക്ഷേത്രത്തിലെ ഉത്സവത്തിനിടെയാണ് ഉണങ്ങി നിന്നിരുന്ന തെങ്ങിന്റെ അടിഭാഗത്ത് തീപിടിച്ചത്.
ശനിയാഴ്ച രാത്രിയാണ് സംഭവം. ഉണങ്ങിനിന്ന തെങ്ങിനോട് ചേര്ന്ന് ആരോ തീയിട്ടതാണ് തീ പടരുന്നതിന് കാരണമായതെന്നാണ് വിവരം. പാറോപ്പടി കൊല്ലറക്കല് സുധീഷ്, സുനി, പ്രഭാത് എന്നിവര്ക്കാണ് പരുക്കേറ്റത്. ഇവരെ മെഡിക്കല് കോളേജ് ആശുപത്രിയില് പ്രവേശിപ്പിച്ചു. രക്ഷാപ്രവര്ത്തനത്തിന് വെള്ളിമാടുകുന്ന് അഗ്നി രക്ഷാ സേനയും ചേവായൂര് പോലീസും സ്ഥലത്തെത്തിയിരുന്നു.
