കോയമ്പത്തൂർ : കോയമ്പത്തൂർ ജില്ലാകളക്ടര് കെ രാജാമണിക്ക് കോവിഡ് 19 വൈറസ് ബാധ സ്ഥിരീകരിച്ചു. രോഗബാധ സ്ഥിരീകരിച്ചതിനെത്തുടര്ന്ന് കളക്ടറെ കോയമ്പത്തൂരിലെ സ്വകാര്യ ആശുപത്രിയിലേയ്ക്കു മാറ്റി.
തിങ്കളാഴ്ച രാവിലെ മുതലാണ് കളക്ടര്ക്ക് കടുത്ത പനി അനുഭവപ്പെട്ടത്. ശേഷം പരിശോധന നടത്തുകയായിരുന്നു. പരിശോധനയില് ഫലം പോസിറ്റീവ് ആവുകയായിരുന്നു. കോവിഡ് പ്രതിരോധ പ്രവര്ത്തനങ്ങളുടെ ഏകോപനത്തിന്റെ ഭാഗമായി നിരവധി കണ്ടെയ്ന്മെന്റ് സോണുകളില് കളക്ടര് സന്ദര്ശനം നടത്തിയിരുന്നു. ഇവിടങ്ങളില് നിന്നാകാം വൈറസ് ബാധയേറ്റതെന്നാണ് പ്രാഥമിക നിഗമനം.
അതേസമയം, തമിഴ്നാട്ടില് ഇന്നലെ 4496 പേര്ക്ക് കോവിഡ് സ്ഥിരീകരിച്ചു. 68 പേര് ഇന്നലെ കോവിഡ് ബാധിച്ച് മരിക്കുകയും ചെയ്തു. ഇതോടെ തമിഴ്നാട്ടില് ഇതുവരെ കോവിഡ് സ്ഥിരീകരിച്ചവരുടെ എണ്ണം 1,51,820 ഉം ആകെ മരണം 2167-ഉം ആയി. 1,02,310 പേര് ഇതുവരെ രോഗമുക്തിനേടി ആശുപത്രിവിട്ടു.
