വടകര : ചോമ്പാല ഹാർബറിലെ അടിസ്ഥാന സൗകര്യങ്ങളും പ്രവർത്തനങ്ങളും സംബന്ധിച്ച് കളക്ടറുടെ നേതൃത്വത്തിൽ ചോമ്പാല ഹാർബർ മാനേജ്മെന്റ് സൊസൈറ്റി അവലോകന യോഗം ചേർന്നു. കളക്ടർ എൻ തേജ്‌ ലോഹിത്‌ റെഡ്ഡി ഹാർബർ സന്ദർശിച്ചു. കളക്ടർ ലേലപ്പുരയും സൗകര്യങ്ങളും പരിശോധിച്ചു. വടകര അതിഥിമന്ദിരത്തിൽ ചേർന്ന അവലോകന യോഗത്തിൽ ഹാർബറിലെ പ്രവർത്തനങ്ങൾക്ക് തടസ്സമായ ഉപയോഗശൂന്യമായ വള്ളങ്ങളും ഷെഡ്ഡുകളും നീക്കംചെയ്യാൻ തീരുമാനിച്ചു.
ആർഡിഒ സി.ബിജു, ഫിഷറീസ് അസി.ഡയറക്ടർ കെ.എ ലബീബ്, അഴിയൂർ പഞ്ചായത്ത് വൈസ് പ്രസിഡന്റ്‌ തോട്ടത്തിൽ ശശിധരൻ, ഹാർബർ എൻജിനിയറിങ് എക്സിക്യൂട്ടീവ് എൻജിനിയർ ജയദീപ് ചോമ്പാല, സിഐ സന്തോഷ് കുമാർ, എസ്ഐ കെ.രാകേഷ്, കോസ്റ്റൽ എസ്ഐ ടി.കെ ബാബു, ഫാബി മോൾ, സതീശൻ, നോഡൽ ഓഫീസർ വിനോദൻ, ടി.പി അഷറഫ്, സൊസൈറ്റി അംഗങ്ങളായ പി.അശോകൻ, വി.പി സുനീഷ്, അരവിന്ദാക്ഷൻ, കെ.ലീല തുടങ്ങിയവർ പങ്കെടുത്തു.
