കൊല്ലം : മന്ത്രവാദ ചികിത്സയ്ക്ക് എത്തിയ പതിനാലുകാരിയെ പീഡിപ്പിച്ച കേസില് അയത്തില് കല്ലുംതാഴം സാദത്ത് നഗര്-100എ റാഹത്ത് മന്സിലില് വാടകയ്ക്കു താമസിച്ചിരുന്ന ഷാജഹാന് (സബ്ജാന്-41) ആണു കിളികൊല്ലൂര് പോലീസിന്റെ പിടിയിൽ. ഇക്കഴിഞ്ഞ 28നാണ് കേസിന് ആസ്പദമായ സംഭവം.
പിതാവിനൊപ്പം മന്ത്രവാദ ചികിത്സയ്ക്ക് എത്തിയ പെണ്കുട്ടിയെ പിതാവിനെ മരുന്നു വാങ്ങാനായി അയച്ച ശേഷം പ്രതി പീഡിപ്പിക്കുകയായിരുന്നു.
പെണ്കുട്ടിയുടെ പിതാവിന്റെ പരാതിയുടെ അടിസ്ഥാനത്തില് എസിപി ജി.ഡി.വിജയകുമാറിന്റെ നേതൃത്വത്തില് പ്രത്യേക അന്വേഷണ സംഘം രൂപീകരിച്ചു സൈബര് സിറ്റി സെല്ലിന്റെ സഹായത്തോടെ നടത്തിയ അന്വേഷണത്തിലാണു മലപ്പുറത്തു നിന്ന് ഇയാള് പിടിയിലായത്.