എഴുമറ്റൂര്: തിരുവിതാംകൂര് ദേവസ്വം ബോര്ഡിന്റെ അധീനതയിലുള്ള കുളര്ത്തൂര്മൂഴി ശബരിദുര്ഗാ കോളേജിന് എയ്ഡഡ് പദവി അനുവദിക്കണമെന്ന് എ.ഐ.എസ്.എഫ് എഴുമറ്റൂര് മണ്ഡലം സമ്മേളനം പ്രമേയത്തിലൂടെ ആവശ്യപ്പെട്ടു. മല്ലപ്പള്ളി താലൂക്കിലെ കിഴക്കന് മലയോരമേഖലയില് പ്രവര്ത്തിക്കുന്ന ആര്ട്സ് ആന്ഡ് സയന്സ് കോളേജ് ആണിത്. സമീപ പ്രദേശങ്ങളില് മറ്റു കോളേജ് ഇല്ലാത്തതിനാല് കൂടുതല് വിദ്യാര്ത്ഥികള് ആശ്രയിക്കുന്നത് ഈ കോളേജിനെ ആണ്.
എന്നാല് വലിയ തുക ഫീസ് ഈടാക്കുന്നതിനാല് സാധാരണക്കാരായ വിദ്യാര്ത്ഥികള്ക്ക് കോളേജില് ഉപരിപഠനം നടത്താനാകുന്നില്ല. അതിനാല് കോളേജിന് എയ്ഡഡ് പദവി നല്കിയാല് കൂടുതല് വിദ്യാര്ത്ഥികള്ക്ക് പ്രയോജനം ചെയ്യുമെന്ന് പ്രമേയം ചൂണ്ടിക്കാട്ടി. എ.ഐ.എസ്.എഫ് സംസ്ഥാന കമ്മറ്റിയംഗം എസ് ദേവദത്ത് ഉദ്ഘാടനം ചെയ്തു. അദ്വൈത് കൃഷ്ണ അധ്യക്ഷത വഹിച്ചു.
സി.പി.ഐ മണ്ഡലം സെക്രട്ടറി കെ സതീഷ്, അസിസ്റ്റന്റ് സെക്രട്ടറി അനീഷ് ചുങ്കപ്പാറ, എ.ഐ.എസ്.എഫ് ജില്ലാ കമ്മറ്റിയംഗം ജ്യോതി കൃഷ്ണ, അനില് കേഴപ്ലാക്കല്, ഷിബു ലൂക്കോസ്, ലിബു തൊട്ടിയില്, സി.കെ ജോമോന്, റോബി എബ്രഹാം, നവാസ്ഖാന് എന്നിവര് പ്രസംഗിച്ചു. ഭാരവാഹികളായി അഭിജിത്ത് മധു(പ്രസിഡന്റ്), അമീര്ഖാന് (വൈസ് പ്രസിഡന്റ്), അദ്വൈത് കൃഷ്ണ (സെക്രട്ടറി), ഷെമീര് നജീബ് (ജോയിന്റ് സെക്രട്ടറി) എന്നിവരെ തിരഞ്ഞെടുത്തു.
വീഡിയോ എഡിറ്ററെ ആവശ്യമുണ്ട്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായിലേക്ക് വീഡിയോ എഡിറ്ററെ ആവശ്യമുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും ഓണ്ലൈന് ന്യുസ് ചാനലിന്റെ വീഡിയോ പ്ലാറ്റ്ഫോം കൈകാര്യം ചെയ്തുള്ള പരിചയം ഉണ്ടായിരിക്കണം. പത്തനംതിട്ട ഓഫീസില് ആയിരിക്കും ജോലി ചെയ്യേണ്ടത്. ശമ്പളം തുടക്കത്തില് 15000 രൂപാ പ്രതിമാസം ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
