കോന്നി : കിണര് വെള്ളത്തിന് പാലിന്റെ നിറം. പൂവൻ പാറ അയത്തിൽ അനിൽ കുമാറിന്റെ വീട്ടിലെ കിണർ വെള്ളത്തിലാണ് പാൽ നിറം കണ്ടത്. ഇന്നലെ വരെ കളർ വ്യത്യാസം ഇല്ലായിരുന്നു. ഇന്ന് കിണറ്റിലെ വെള്ളം എടുക്കാനായി അനിലിന്റെ ഭാര്യ സുശീല എത്തിയപ്പോഴാണ് നിറ വ്യത്യാസം കണ്ടത്. തുടർന്ന് വാർഡ് മെമ്പറെയും കോന്നി തഹസീൽദാരെയും വിവരം അറിയിക്കുകയായിരുന്നു.
വീട്ടിൽ പെയിന്റിങ് പണികൾ നടന്നിരുന്നു. ഇതുമായി ബന്ധപ്പെട്ട് കിണറ്റിൽ ഒന്നും വീണിറ്റില്ലെന്നു പണിക്കാരും വീട്ടുകാരും ഉറപ്പിച്ചു പറയുന്നു. സമാനമായ സംഭവം ആറന്മുളയിലും ഉണ്ടായിട്ടുണ്ട്. നിലവിൽ ഇതിൽ നിന്നുള്ള വെള്ളം ഇവർ ഉപയോഗിക്കുന്നില്ല. കോന്നി ബ്ലോക്ക് പഞ്ചായത്ത് പ്രസിഡന്റ് ജിജി സജി സ്ഥലത്ത് എത്തി. വെള്ളം പരിശോധിക്കാൻ അധികൃതർക്ക് നിർദ്ദേശം നൽകിയതായി മെമ്പർ പറഞ്ഞു.
