കോന്നി : തണ്ണിത്തോട് ഗവണ്മെന്റ് വെൽഫയർ യു പി സ്കൂളിലെ ശില്പങ്ങൾ സാമൂഹിക വിരുദ്ധർ നശിപ്പിച്ച സംഭവത്തിൽ സ്കൂൾ അധികൃതർ പോലീസിൽ പരാതി നൽകി. സമഗ്ര ശിക്ഷ കേരളം പദ്ധതിയിൽ പതിനഞ്ച് ലക്ഷം രൂപ ചിലവഴിച്ച് പൂർത്തിയാക്കിയ മോഡൽ പ്രീ പ്രൈമറി കഴിഞ്ഞ പ്രവേശന ഉത്സവത്തോട് അനുബന്ധിച്ചാണ് ഉദ്ഘാടനം ചെയ്തത്. കഴിഞ്ഞ ദിവസമാണ് പുഴുവിന്റെയും ഡോൽഫിന്റെയും ശില്പങ്ങൾക്ക് കേടുപാടുകൾ വരുത്തിയതായി കണ്ടെത്തിയത്. തുടർന്ന് തണ്ണിത്തോട് പോലീസിൽ പരാതി നൽകുകയായിരുന്നു.
