വളയം : ചെക്യാട് കുറുവന്തേരിയിൽ സി.പി.എം പാർട്ടി കോൺഗ്രസ് പ്രചാരണത്തിന്റെ ഭാഗമായി സ്ഥാപിച്ച 23 കൊടികൾ തീവെച്ച് നശിപ്പിച്ചു. കൊടിമരം സമീപത്തെ ഓവുചാലിൽ തള്ളിയനിലയിലാണ്. സമീപത്ത് ചെക്യാട് ലോക്കൽ സമ്മേളനത്തിന്റെ ഭാഗമായി അലങ്കരിച്ച 15 കൊടികളും നശിപ്പിച്ചു. ബുധനാഴ്ച പുലർച്ചെയാണ് സംഭവം. സി.പി.എം പ്രവർത്തകർ വളയം പോലീസിൽ പരാതി നൽകി.
വളയം പോലീസ് ഇൻസ്പെക്ടർ എ.അജീഷിന്റെ നേതൃത്വത്തിലുള്ള പോലീസ് സംഘം സ്ഥലം സന്ദർശിച്ച് പരിശോധന നടത്തി. പ്രദേശത്തെ സി.സി.ടി.വി ക്യാമറകൾ പരിശോധിച്ചു. സി.പി.എം ലോക്കൽ സെക്രട്ടറി വി.കെ ഭാസ്കരൻ, പി.കുമാരൻ എന്നിവർ സ്ഥലം സന്ദർശിച്ചു. പ്രദേശത്ത് ബോധപൂർവം കുഴപ്പമുണ്ടാക്കാനുള്ള ശ്രമമാണ് ഇതിന് പിന്നിലെന്ന് സി.പി.എം ചെക്യാട് ലോക്കൽ കമ്മിറ്റി കുറ്റപ്പെടുത്തി.
