മല്ലപ്പള്ളി: നിരണം ഭദ്രാസന മദ്യവർജന സമിതിയുടെയും എക്സൈസ്സ് ഡിപ്പാർട്ട്മെൻ്റിൻ്റെയും ആഭിമുഖ്യത്തിൽ മാർ ഡയനീഷ്യസ് സ്കൂളിൽ ലഹരി വിരുദ്ധ സെമിനാർ നടത്തി. സെമിനാറിന്റെ ഉദ്ഘാടനം അഭിവന്ദ്യ യുഹാനോൻ മാർ ക്രിസോസ്റ്റമോസ് നിർവഹിച്ചു. ഭദ്രാസന മദ്യവർജന സമിതി വൈസ് പ്രസിഡൻ്റ് ഫാദർ ബിനോ ജോൺ അദ്ധ്യക്ഷത വഹിച്ചു. സെമിനാറിൽ എക്സൈസ് പ്രിവൻ്റീവ് ഓഫീസർ വി കെ സന്തോഷ് കുമാർ നേതൃത്വം നൽകി. ഫാദർ ജിജി പയ്യമ്പള്ളിൽ, സജി മാമ്പ്രക്കുഴി എന്നിവർ പ്രസംഗിച്ചു. എട്ടു മുതൽ 12 വരെയുള്ള ക്ലാസുകളിലെ കുട്ടികൾ ലഹരി വിരുദ്ധ പ്രതിജ്ഞ എടുത്തു.
