റാന്നി : പഴവങ്ങാടി ഗ്രാമ പഞ്ചായത്തിലെ കുടുംബശ്രീ സി.ഡി.എസ് അംഗങ്ങള്ക്ക് പത്തനംതിട്ട വനിതാ പോലീസ് സെല് നേതൃത്വത്തില് സ്വയം പ്രതിരോധ പരിശീലന ക്ലാസ് നടത്തി. ഗ്രാമ പഞ്ചായത്ത് പ്രസിഡന്റ് അനിതാ അനിൽകുമാർ ഉദ്ഘാടനം ചെയ്തു. ഗ്രാമ പഞ്ചായത്ത് കുടുംബശ്രീ ചാർജ് ഓഫീസറും അസിസ്റ്റന്റ് സെക്രട്ടറിയുമായ പ്രദീപ് അദ്ധ്യക്ഷത വഹിച്ചു.
ജനപ്രതിനിധികളായ അനീഷ് ഫിലിപ്പ്, ജിജി വർഗീസ്, ഷൈനി പി. രാജീവ്, ബിജിവർഗീസ്, സൗമ്യാ ജി. നായർ, സി.ഡി.എസ് ചെയർപേഴ്സൺ നിഷാ രാജീവ്, വൈസ് ചെയർപേഴ്സൺ സാറാമ്മജോൺ എന്നിവര് പ്രസംഗിച്ചു. കുടുംബശ്രീ സി.ഡി.എസ്, എ.ഡി.എസ് അംഗങ്ങള് എന്നിവർ പങ്കെടുത്തു. വനിത പോലീസ് ഉദ്യോഗസ്ഥരായ ലേഖ, സിൻസി, ഉഷ എന്നിവർ ക്ലാസ്സ് നയിച്ചു.
