വെള്ളാങ്ങല്ലൂര്: വെള്ളാങ്ങല്ലൂര് മണ്ഡലം കോണ്ഗ്രസ് കമ്മിറ്റിയുടെ ആസ്ഥാന മന്ദിരം കെ ഐ. നജീബ് സ്മാരക കോണ്ഗ്രസ് ഭവന് ഉദ്ഘാടനം ഇന്ന് പ്രതിപക്ഷ നേതാവ് വി.ഡി. സതീശന് നിർവഹിക്കും. മണ്ഡലം പ്രസിഡന്റ് അയൂബ് കരൂപ്പടന്ന അധ്യക്ഷത വഹിക്കും.മുന് പഞ്ചായത്ത് പ്രസിഡന്റ് ഐഷാ ലത്തീഫ് സ്മാരക കോണ്ഫറന്സ് ഹാള് ബെന്നി ബെഹനാന് എംപി ഉദ്ഘാടനം ചെയ്യും. മുന് പഞ്ചായത്ത് പ്രസിഡന്റ് വിഎം അലിയാര് സാഹിബ് ലൈബ്രറി ടിഎന്. പ്രതാപന് ഉദ്ഘാടനം ചെയ്യും. ചാലക്കുടി എം. എല്. എ. ടി. ജെ. സനീഷ് കുമാര് മുഖ്യ അതിഥി ആകും.
വ്യാപാര മുറികള്, കെപിസിസി ജനറല് സെക്രട്ടറി ടി. യു. രാധാകൃഷ്ണനും മണ്ഡലം ഓഫീസ് & ഡിജിറ്റല് മീഡിയ വാര് റൂം എന്നിവയുടെ ഉദ്ഘാടനം ഡിസിസി പ്രസിഡന്റ് ജോസ് വള്ളൂര് നിര്വ്വഹിക്കും.എം. പി. ജാക്ക്സണ്, എം. പി. വിന്സെന്റ്, ഒ. അബ്ദുറഹ്മാന് കുട്ടി, പി. എ. മാധവന്, സി എസ് ശ്രീനിവാസന് എന്നിവര് പങ്കെടുക്കും. മണ്ഡലത്തിലെ 70 വയസ്സ് കഴിഞ്ഞ 175 ആദ്യകാല കോണ്ഗ്രസ് പ്രവര്ത്തകരെ ചടങ്ങില് ആദരിക്കും.