പത്തനംതിട്ട : ശബരിമലയിലെ സ്വർണ്ണ കൊള്ളയുടെ ഉത്തരവാദിത്വം ഏറ്റെടുത്ത് ദേവസ്വം വകുപ്പ് മന്ത്രി വി.എൻ വാസവൻ രാജി വയ്ക്കണമെന്ന് ആവശ്യപ്പെട്ട് കെ.പി.സി.സി ആഹ്വനം അനുസരിച്ച് ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ (27) ചൊവ്വാഴച്ച ജില്ലാ കളക്ട്രേറ്റിലേക്ക് മാർച്ചും ധർണ്ണയും സംഘടിപ്പിക്കുമെന്ന് ഡി.സി.സി സംഘടനാകാര്യ ജനറൽ സെക്രട്ടറി സാമുവൽ കിഴക്കുപുറം പറഞ്ഞു.
രാവിലെ 10 – മണിക്ക് പത്തനംതിട്ട സെൻട്രൽ ജംഗ്ഷനിൽ നിന്നും ആരംഭിക്കുന്ന മാർച്ചും ധർണ്ണയും കെ.പി.സി.സി വൈസ് പ്രസിഡന്റ് എം.ലിജു ഉദ്ഘാടനം ചെയ്യും.
ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിൽ അദ്ധ്യക്ഷത വഹിക്കും. കെ.പി.സി.സി, ഡി.സി.സി, പോഷക സംഘടനാ നേതാക്കൾ പ്രസംഗിക്കും.
മാർച്ചിലും ധർണ്ണയിലും പങ്കെടുക്കുന്നതിനായി ജില്ലയിലെ ബൂത്ത്തലം മുതലുള്ള ഭാരവാഹികളും പ്രവർത്തകരും രാവിലെ 10- മണിക്ക് മുൻപായി സെൻട്രൽ ജംഗ്ഷനിലെ ഗാന്ധി സ്ക്വയറിൽ എത്തിച്ചേരണമെന്ന് ഡി.സി.സി സംഘടനാ കാര്യ ജനറൽ സെക്രട്ടറി അഭ്യർത്ഥിച്ചു.
