കുമ്പഴ: നഗരത്തില് പുതുതായി സ്ഥാപിച്ച കുടിവെള്ള പൈപ്പുലൈനുകള് നിരന്തരം പൊട്ടുന്നതിനെക്കുറിച്ച് വിജിലന്സ് അന്വേഷണം നടത്തണമെന്ന് കോണ്ഗ്രസ് മണ്ഡലം പ്രവര്ത്തക യോഗം ആവശ്യപ്പെട്ടു. 11.5 കോടി രൂപ മുടക്കി കിഫ്ബി പദ്ധതിപ്രകാരം കുടിവെള്ള പൈപ്പുകള് സ്ഥാപിക്കുമ്പോള് അധികാരികള് പറഞ്ഞിരുന്നത് ഒരുതരത്തിലും പൊട്ടാത്ത പൈപ്പുകളാണ് സ്ഥാപിക്കുന്നതെന്നാണ്. എന്നാല് പൈപ്പ് ലൈനുകള് പ്രവര്ത്തനക്ഷമമാക്കിയ സമയം മുതല് പൈപ്പ് പൊട്ടല് തുടര്ക്കഥയായി മാറുകയാണ്.
പെപ്പ് പൊട്ടി റോഡുകള് നാശമാകുന്നു. പൊട്ടുന്ന പൈപ്പുകള് നന്നാക്കാന് കാലതാമസം എടുക്കുന്നതിനാല് നാട്ടുകാരും ബുദ്ധിമുട്ടുകയാണ്. ഗുണമേന്മ കുറഞ്ഞ പൈപ്പുകളാണോ ഇട്ടതെന്ന് വിജിലന്സ് അന്വേഷിക്കണം. ഇക്കാര്യത്തില് മന്ത്രി വീണാ ജോര്ജ് മറുപടി പറയണെന്നും പ്രവര്ത്തകയോഗം ആവശ്യപ്പെട്ടു. ഈ ആവശ്യമുന്നയിച്ച് വരും ദിവസങ്ങളില് സമരപരിപാടികള് ആവിഷ്ക്കരിക്കാനും തീരുമാനിച്ചു.
