കോന്നി : തൊഴിലുറപ്പ് പദ്ധതി സംരക്ഷിക്കുക, വേതനം 700 രൂപയായി വർധിപ്പിക്കുക, തൊഴിൽ ദിനങ്ങൾ ഇരുനൂറായി വർദ്ധിപ്പിക്കുക തുടങ്ങിയ വിവിധ ആവശ്യങ്ങൾ ഉന്നയിച്ച് എൻ ആർ ഇ ജി വർക്കേഴ്സ് അസോസിയേഷൻ (എ ഐ റ്റി യു സി ) യുടെ നേതൃത്വത്തിൽ ഒക്ടോബർ 2ന് സംഘടിപ്പിക്കുന്ന തൊഴിൽ സംരക്ഷണ സംഗമത്തോട് അനുബന്ധിച്ച് സംഘടിപ്പിച്ച പത്തനംതിട്ട ജില്ലാ വാഹന പ്രചാരണ ജാഥയ്ക്ക് കോന്നിയിൽ സ്വീകരണം നൽകി.
എ ഐ റ്റി യു സി കോന്നി മണ്ഡലം സെക്രട്ടറി കെ രാജേഷ് അധ്യക്ഷത വഹിച്ച യോഗത്തിൽ ജാഥ ക്യാപ്റ്റൻ എം മധു, ഡയറക്റ്റർ വിജയവിൽസൺ, സി പി ഐ സംസ്ഥാന കൗൺസിൽ അംഗം പി ആർ ഗോപിനാഥൻ, സി പി ഐ കോന്നി മണ്ഡലം സെക്രട്ടറി എ ദീപകുമാർ, വൈസ് ക്യാപ്റ്റൻമാരായ സന്തോഷ് പാപ്പച്ചൻ, ഷീജ സോമരാജൻ, എൻ ആർ ഇ ജി വർക്കേഴ്സ് അസോസിയേഷൻ കോന്നി മണ്ഡലം സെക്രട്ടറി സുമതി നരേന്ദ്രൻ, ജോയ്സ് എബ്രഹാം, പി എസ് സുജ, രാധ ശശി, പി സി ശ്രീകുമാർ, പി എസ് ഗോപാലകൃഷ്ണപിള്ള തുടങ്ങിയവർ സംസാരിച്ചു.
