തിരുവനന്തപുരം : രാഹുൽ വിഷയത്തിൽ ഇനി കോൺഗ്രസിന് ഒന്നും ചെയ്യാനില്ലെന്ന് ഷാഫി പറമ്പിൽ എംപി. പാർട്ടിയിൽ നിന്ന് പുറത്താക്കിയതാണ്. സ്ഥാനാർത്ഥി നിർണയ ചർച്ചകൾ തുടങ്ങിയിട്ടില്ല. നാളെ വയനാട്ടിൽ നടക്കുന്ന ചിന്തൻ ശിബിരം ചർച്ച ചെയ്യും. എം പിമാർ മത്സരിക്കണമെന്ന നിർദ്ദേശവും ഉയർന്നിട്ടില്ല. കോൺഗ്രസ്, യു ഡി എഫ് പ്രവർത്തകരാരും നേതാക്കൾക്കെതിരെ പോസ്റ്റർ ഒട്ടിക്കില്ലെന്നും ഷാഫി പറമ്പിൽ പറഞ്ഞു.
ആന്റണി രാജുവിനെതിരായ കേസ് ഇനി ആരോപണമല്ല, കുറ്റം തെളിയിക്കപ്പെട്ടു. ഒരു എംഎൽഎ മയക്കുമരുന്ന് കേസിൽ തെളിവ് നശിപ്പിക്കുക എന്നത് ഗൗരവതരം. ദേശീയപാത നിർമാണത്തിലെ അപാകത, അഴിയൂർ- വെങ്ങളം റീച്ചിൽ വിദഗ്ധസംഘം പരിശോധന നടത്തും. ഹരിയാനയിൽ നിന്നുള്ള മുൻ പിഡബ്ല്യുഡി ചീഫ് എൻജിനീയയുടെ നേതൃത്വത്തിൽ ആയിരിക്കും പരിശോധന നടത്തുകയെന്നും ഷാഫി വ്യക്തമാക്കി.
