മലയാലപ്പുഴ : പത്ത് വർഷത്തെ പിണറായി ഭരണത്തിന് അന്ത്യംകുറിച്ച് കേരളത്തിൽ വി.ഡി സതീശന്റെ നേതൃത്വത്തിൽ യു.ഡി.എഫ് സർക്കാർ അധികാരം ഏറ്റെടുത്തതിൽ ആഹ്ളാദം പ്രകടിപ്പിച്ച് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ മലയാലപ്പുഴയിൽ പ്രകടനവും യോഗവും നടത്തി. ഡി.സി.സി സംഘനാകാര്യ ജനറൽ സെക്രട്ടറി സാമുവൽ കിഴക്കുപുറം പ്രകടനവും യോഗവും ഉദ്ഘാടനം ചെയ്തു. മണ്ഡലം പ്രസിഡന്റ് ദിലീപ്കുമാർ പൊതീപ്പാട് അദ്ധ്യക്ഷത വഹിച്ചു. മണ്ഡലം, ബൂത്ത് കമ്മിറ്റികളുടെ നേതൃത്വത്തിൽ മണ്ഡലത്തിന്റെ വിവിധ പ്രദേശങ്ങളിൽ പായസം ഉൾപ്പെടെ മധുരം വിതരണം നടത്തുകയും പടക്കം പൊട്ടിച്ച് പ്രവർത്തകർ ആഹ്ളാദം പ്രകടിപ്പിക്കുകയും ചെയ്തു.
ബ്ലോക്ക്, മണ്ഡലം ഭാരവാഹികളായ വി.സി ഗോപിനാഥപിള്ള, അനിൽ വാഴുവേലിൽ, പ്രമോദ് താന്നിമൂട്ടിൽ, മീരാൻ വടക്കുപുറം, സിനിലാൽ ആലുനിൽക്കുന്നതിൽ, ശശിധരൻ നായർ പാറയരുകിൽ, ബിജിലാൽ ആലുനിൽക്കുന്നതിൽ, ബിന്ദു ജോർജ്, മിനി ജെയിംസ്, ജോസഫ് മാത്യു ചുണ്ടമണ്ണിൻ, ബിജു പുളിമൂട്ടിൽ, സജി ആനചാരിക്കൽ, ഉണ്ണി മുക്കുഴി, വിൽസൺ പരുത്യാനി, ബിനോയ് വിശ്വം, ബാബു മുക്കുഴി, ജെയിംസ് മുണ്ടക്കൽ, ഡെന്നി ആറ്റൂർ, പ്രശാന്ത് താന്നിമൂട്ടിൽ, രാമദാസ് കൊച്ചക്കര എന്നിവർ പ്രസംഗിച്ചു.
