ന്യൂഡൽഹി : പഞ്ചാബിലെ നേതൃമാറ്റത്തിനു പിന്നാലെ രാജസ്ഥാന് മുഖ്യമന്ത്രി അശോക് ഗെലോട്ടിനെ നീക്കണമെന്ന സച്ചിന് പൈലറ്റ് വിഭാഗം എംഎല്എമാരുടെ ആവശ്യം തള്ളി ഹൈക്കമാന്ഡ്. കോണ്ഗ്രസ് മുന് അധ്യക്ഷന് രാഹുല് ഗാന്ധിയുമായി സച്ചിന് പൈലറ്റ് കഴിഞ്ഞ ദിവസം കൂടിക്കാഴ്ച നടത്തിയിരുന്നു.
സച്ചിനെ അനുകൂലിക്കുന്ന എംഎല്എമാരെ ഉള്പ്പെടുത്തി മന്ത്രിസഭാ വികസനം ഉടനുണ്ടാകും. പഞ്ചാബില്നിന്ന് വ്യത്യസ്തമായി രാജസ്ഥാനില് കൂടുതല് എംഎല്എമാരുടെ പിന്തുണ മുഖ്യമന്ത്രിക്കുണ്ട്. ചത്തീസ്ഗഡില് മുഖ്യമന്ത്രി ഭൂപേഷ് ബാഗേലിനെ മാറ്റണമെന്നാവശ്യപ്പെട്ട് മന്ത്രി ടി.എസ് സിങ്ദേവ് രംഗത്തുണ്ടെങ്കിലും നേതൃമാറ്റം വേണ്ടെന്നാണ് ഹൈക്കമാന്ഡ് നിലപാട്.
