പത്തനംതിട്ട : മതേതര ഇൻഡ്യയുടെ ജനാധിപത്യ സംവിധാനത്തെ മുന്നോട്ട് നയിക്കുന്ന ചാലക ശക്തിയാണ് ഇൻഡ്യൻ നാഷണൽ കോൺഗ്രസ് എന്ന് കേരള പ്രദേശ് പ്രവാസി കോൺഗ്രസ് സംസ്ഥാന ജനറൽ സെക്രട്ടറി സാമുവൽ കിഴക്കുപുറം പറഞ്ഞു. ഇൻഡ്യൻ നാഷണൽ കോൺഗ്രസിന്റെ നൂറ്റി മുപ്പത്തി എഴാം സ്ഥാപക ദിനത്തോടനുബന്ധിച്ച് പത്തനംതിട്ട ഈസ്റ്റ് മണ്ഡലം കമ്മിറ്റിയുടെ നേതൃത്വത്തിൽ നടത്തിയ ജന്മദിന പദയാത്ര ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
രാജ്യത്തിന്റെ സ്വാതന്ത്ര്യത്തിനായി ആയിരങ്ങളെ ബലിദ നല്കുകയും ആധുനിക ഇൻഡ്യയെ ത്യാഗ പൂർണമായ പ്രവർത്തനത്തിലൂടെ പടുത്തുയർത്തുകയും ചെയ്ത ലോകത്തെ ഏറ്റവും വലിയ ജനാധിപത്യ രാഷ്ട്രീയസ്ഥാനമാണ് കോൺഗ്രസ്. രാജ്യത്തിന്റെ ബഹു സ്വരതയും മത സൗഹാർദ്ദവും നിലനിർത്തുവാൻ കോൺഗ്രസ് പാർട്ടിക്ക് മാത്രമേ സാധിക്കുകയുള്ളു എന്ന് സാമുവൽ കിഴക്കുപുറം പറഞ്ഞു.
മണ്ഡലം പ്രസിഡന്റ് സജി അലക്സാണ്ടർ അദ്ധ്യക്ഷത വഹിച്ചു. ഡി.സി.സി അംഗം ജി..ആർ ബാലചന്ദ്രൻ, ബ്ലോക്ക്, മണ്ഡലം ഭാരവാഹികളായ പി.കെ ഇക്ബാൽ, അഫ്സൽ ആനപ്പാറ, ബിജു പനക്കൽ, അംബികാ വേണു, മനോജ് മങ്ങാട്ട്, പോൾ പർത്തലപ്പാടിയിൽ, തുളസി ഭായ്, ഇന്ദിരാ പ്രേം, സുനിതാ രാമചന്ദ്രൻ, അഭിജിത് സോമൻ, ബാഷിത് താക്കറെ, നിതീഷ് ബാലചന്ദ്രൻ , ദാസ് കൈനിക്കര എന്നിവർ പ്രസംഗിച്ചു.
കോൺഗ്രസ് പദയാത്ര നടത്തി
ഇൻഡ്യൻ നാഷണൽ കോൺഗ്രസിന്റെ നൂറ്റി മുപ്പത്തി ഏഴാം ജന്മദിന ആഘോഷത്തോടനുബന്ധിച്ച് വള്ളിക്കോട് മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ജന്മദിന സന്ദേശ പദയാത്ര നടത്തി. ഡി.സി.സി ജനറൽ സെക്രട്ടറി സാമുവൽ കിഴക്കുപുറം ഉദ്ഘാടനം ചെയ്തു. മണ്ഡലം പ്രസിഡന്റ് പ്രൊഫ.ജി.ജോൺ അദ്ധ്യക്ഷത വഹിച്ചു. ഡി.സി.സി ഭാരവാഹികളായ റോബിൻ പീറ്റർ, സജി കൊട്ടക്കാട്, മഹിളാ കോൺഗ്രസ് ജില്ലാ സെക്രട്ടറി ബീനാ സോമൻ, കോൺഗ്രസ് ബ്ലോക്ക്, മണ്ഡലം ആർ.രാജശേഖരൻ നായർ, ഭാരവാഹികളായ ആർ.രാജശേഖരൻ നായർ, സാംകുട്ടി പുളിക്കത്തറയിൽ , ഷിബു ഞക്കും നിലം, വിമൽ , സുഭാഷ് നടുവിലേതിൽ, ആൻസി ബാബു, ലിസി ജോൺസൺ, പദ്മ ബാലൻ, രാജേഷ് കൈപ്പട്ടൂർ എന്നിവർ പ്രസംഗിച്ചു.
