പത്തനംതിട്ട : വാട്ടർ അതോറിറ്റിയുടെ പൈപ്പ് മാറ്റിയിടൽ പ്രവർത്തനങ്ങളും നിരന്തരമായ ഭാരവാഹനങ്ങൾ ഉൾപ്പെടെയുള്ളവയുടെ യാത്രയും സമയബന്ധിതമായ നവീകരണ പ്രവർത്തനങ്ങളുടെ അഭാവവും മൂലം കുമ്പഴ – പത്തനംതിട്ട റോഡ് വൻ തോതിൽ തകർന്ന് യാത്ര ദുസഹമായിരിക്കുയാണെന്നും ഇത് പരിഹരിക്കുവാൻ അടിയന്തിര നടപടികൾ സ്വീകരിക്കണമെന്നും കോൺഗ്രസ് പത്തനംതിട്ട ഈസ്റ്റ് മണ്ഡലം പ്രവർത്തകയോഗം ബന്ധപ്പെട്ട പൊതുമരാമത്ത്, വാട്ടർ അതോറിറ്റി അധികൃതരോട് ആവശ്യപ്പെട്ടു. പൈപ്പ് മാറ്റി സ്ഥാപിക്കൽ, കുമ്പഴ പമ്പ്ഹൗസിലെ ചെളിയും മണലും നീക്കം ചെയ്യൽ എന്നീ പ്രവൃത്തികൾ മൂലം തടസപ്പെട്ട ശുദ്ധജല വിതരണം പൂർണ്ണ തോതിൽ പുന:രാരംഭിക്കാത്തതുമൂലം കുമ്പഴ. മേഖലയിലെ പല വാർഡുകളിലും ജലക്ഷാമം രൂക്ഷമാണെന്നും ഇത് പരിഹരിക്കുന്നതിനും നടപടി വേണമെന്ന് പ്രവർത്തക യോഗം ബന്ധപ്പെട്ട അധികൃതരോട് ആവശ്യപ്പെട്ടു.
ഡി.സി.സി സംഘനാകാര്യ ജനറൽ സെക്രട്ടറി സാമുവൽ കിഴക്കുപുറം യോഗം ഉദ്ഘാടനം ചെയ്തു. മണ്ഡലം പ്രസിഡന്റ് നാസർ തോണ്ടമണ്ണിൽ അദ്ധ്യക്ഷത വഹിച്ചു.
ബ്ലോക്ക് പ്രസിഡന്റ് റോജി പോൾ ഡാനിയേൽ, ബ്ലോക്ക്, മണ്ഡലം ഭാരവാഹികളായ പി.കെ ഇക്ബാൽ, സജി അലക്സാണ്ടർ, അൻസർ മുഹമ്മദ്, വി.റ്റി രാജു, കെ.ആർ അരവിന്ദാക്ഷൻ നായർ, അബികാ വേണു, നെജിം രാജൻ, സുബാൻ അബ്ദുൾ ലത്തീഫ്, റെജി മൂലമുറിയിൽ , ഹനീഫ താന്നിമൂട്ടിൽ, സുസ്മിത പാറപ്പാട്ട്, ജോർജ്ജ് സഖറിയ, അജ്മൽ കരിം, ജെയ്സൺ, അജികുമാർ എന്നിവർ പ്രസംഗിച്ചു.
