പത്തനംതിട്ട : ഇന്ത്യൻ ഭരണഘടന രൂപീകൃതമായ നവംബർ 26-ന് എ.ഐ.സി.സി ആഹ്വാനം അനുസരിച്ച് ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ ഭരണഘടനാ സംരക്ഷണ ദിനം ആചരിക്കുമെന്ന് ഡി.സി.സി. ജനറൽ സെക്രട്ടറി സാമുവൽ കിഴക്കുപുറം പറഞ്ഞു. ഇതോടനുബന്ധിച്ച് 26 ശനിയാഴ്ച്ച ഉച്ചക്ക് രണ്ടര മണിക്ക് പത്തനംതിട്ട രാജീവ് ഭവനിൽ സംഘടിപ്പിക്കുന്ന സമ്മേളനവും ഇന്ത്യൻ ഭരണഘടന നേരിടുന്ന വെല്ലുവിളികൾ എന്ന സെമിനാറും മുൻ സംസ്ഥാന പ്രോസിക്യൂഷൻ ഡയറക്ടർ ജനറൽ അഡ്വ.ടി. അസഫലി ഉദ്ഘാടനം ചെയ്യും.
ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിൽ അദ്ധ്യക്ഷത വഹിക്കും.
ഇൻഡ്യൻ ലോയേഴ്സ് കോൺഗ്രസ് സംസ്ഥാന വൈസ് പ്രസിഡന്റ് അഡ്വ.വി.സി സാബു വിഷയാവതരണം നടത്തും. ആന്റോ ആന്റണി എം.പി, കെ.പി.സി.സി രാഷ്ട്രീയ കാര്യസമിതി അംഗം പ്രൊഫ.പി.ജെ കുര്യൻ, കെ.പി.സി.സി ജനറൽ സെക്രട്ടറി അഡ്വ. പഴകുളം മധു, കെ.പി.സി.സി, ഡി.സി.സി, ലോയേഴ്സ് കോൺഗ്രസ് ഭാരവാഹികൾ, മുതിർന്ന അഭിഭാഷകർ, സാംസ്കാരിക നേതാക്കൾ എന്നിവർ പങ്കെടുക്കുമെന്ന് ഡി.സി.സി അറിയിച്ചു.
