തിരുവനന്തപുരം : ചാൻസിലർ പദവി ഒഴിയുവാനുള്ള തീരുമാനത്തിൽ മാറ്റമില്ലെന്ന് ഗവർണർ. തീരുമാനത്തിന് പിന്നിൽ ഞെട്ടിപ്പിക്കുന്ന കാരണങ്ങളുണ്ട്. അത് പരസ്യമായി ചർച്ച ചെയ്യാൻ സാധിക്കില്ല. അത്തരം ചർച്ചകൾ രാജ്ഭവന്റെ അന്തസിന് കളങ്കമുണ്ടാക്കും. ആരുമായും ഏറ്റുമുട്ടലിന് ഇല്ലെന്ന് അദ്ദേഹം ആവർത്തിച്ചു. ചില നിയമ വിരുദ്ധ പ്രവർത്തനങ്ങൾ നടന്നു. അതീവ ഗൗരവമുള്ള കാര്യങ്ങൾ കണ്ടപ്പോഴാണ് നിശബ്ദനായത്. ഒരിക്കലും നടക്കാൻ പാടില്ലാത്ത കാര്യങ്ങളാണ് ഉണ്ടായിക്കൊണ്ടിരുന്നത്. ഈ സാഹചര്യത്തിലാണ് ചാൻസിലർ പദവി ഏറ്റെടുക്കാത്തത്. തന്നെ ആർക്കും വിമർശിക്കാമെന്നും പലപ്പോഴും സ്വയം വിമർശനം നടത്താറുണ്ടെന്നും എന്നാൽ ഭരണഘടന സ്ഥാപനങ്ങളെ മാനിക്കണമെന്നും അദ്ദേഹം പറഞ്ഞു.
