പാലക്കാട് : കൊറോണ സ്ഥിരീകരിച്ച പാലക്കാട്ടെ കൊവിഡ് 19 രോഗിയുടെ റൂട്ട്മാപ്പ് പുറത്തുവിട്ടു. ഇയാള് 300 ലേറെ പേരുമായി സമ്പര്ക്കം പുലര്ത്തിയതായാണ് കണക്കുകള്. ഉംറ കഴിഞ്ഞ് മാര്ച്ച് 13 ന് നാട്ടിലെത്തിയ ദിവസങ്ങളില് ഇദ്ദേഹം സഞ്ചരിച്ച ഇടങ്ങളുടെ വിശദാംശങ്ങളാണ് പുറത്തുവിട്ടിരിക്കുന്നത്. ഇയാള് 10 ദിവസം കഴിഞ്ഞാണ് നിരീക്ഷണത്തിന് തയ്യാറായത്. 51 വയസായ ഇദ്ദേഹത്തിനെതിരെ കേസെടുത്തതായി കളക്ടര് അറിയിച്ചു. ഇയാളുമായി സമ്പര്ക്കത്തിലായ കെ.എസ്.ആര്.ടി.സി കണ്ടക്ടറായ മകന് മണ്ണാര്ക്കാട്ട് നിന്ന് തിരുവനന്തപുരത്തേക്കും ആനക്കട്ടി വഴി കോയമ്പത്തൂരിലേക്കുമുള്ള ബസുകളില് ജോലി ചെയ്തിട്ടുണ്ട്.
