ഉയർന്ന രക്തസമ്മർദ്ദം കുറയ്ക്കാൻ ഭക്ഷണക്രമത്തിലും ജീവിതശൈലിയിലും മാറ്റങ്ങൾ വരുത്തേണ്ടത് വളരെ അത്യാവശ്യമാണ്. ഉപ്പ് കുറയ്ക്കുക, ദിവസവും 30 മിനിറ്റ് വ്യായാമം ചെയ്യുക, പുകവലിയും മദ്യപാനവും ഒഴിവാക്കുക, ദിവസവും 7-9 മണിക്കൂർ ഉറങ്ങുക തുടങ്ങിയവ ക്യത്യമായി ചെയ്യുന്നതിലൂടെ ബിപി നിയന്ത്രിക്കുവാന് കഴിയും. ബിപി നിയന്ത്രിക്കുന്നതിന് സഹായിക്കുന്ന പൊട്ടാസ്യം അടങ്ങിയ ഏഴ് ഭക്ഷണങ്ങളെ കുറിച്ച് അറിയാം. ക്യാരറ്റിൽ പൊട്ടാസ്യത്തിന് പുറമേ വിറ്റാമിൻ എ, സി, ഇ എന്നിവ അടങ്ങിയിരിക്കുന്നു. ഈ വിറ്റാമിനുകൾക്ക് ഹൃദയാരോഗ്യത്തെ പിന്തുണയ്ക്കുന്ന ആന്റി ഓക്സിഡന്റ് ഗുണങ്ങളുണ്ട്. ക്യാരറ്റ് കഴിക്കുന്നത് രക്തയോട്ടം മെച്ചപ്പെടുത്തുകയും കൊളസ്ട്രോൾ അളവ് കുറയ്ക്കുകയും ചെയ്യുന്നു.
രക്തസമ്മർദ്ദം നിയന്ത്രിക്കാൻ ഏറ്റവും മികച്ചതാണ് മാതളനാരങ്ങ ജ്യൂസ്. ഇത് ഉയർന്ന രക്തസമ്മർദ്ദം (ഹൈപ്പർടെൻഷൻ) ഉള്ളവർക്ക് പ്രത്യേകിച്ചും സഹായകരമാകും. മാതളനാരങ്ങ ജ്യൂസിൽ പോളിഫെനോൾസ് അടങ്ങിയിട്ടുണ്ട്. ഇത് രക്തക്കുഴലുകളെ വിശ്രമിക്കാനും രക്തയോട്ടം മെച്ചപ്പെടുത്താനും സഹായിക്കുന്ന ആന്റി ഓക്സിഡന്റുകളാണ്. തക്കാളി കഴിക്കുന്നത് അതിന്റെ പോഷക ഘടന കാരണം രക്തസമ്മർദ്ദം കുറയ്ക്കാൻ സഹായിക്കും. തക്കാളി ജ്യൂസിൽ പൊട്ടാസ്യം, ലൈക്കോപീൻ എന്നിവ ധാരാളം അടങ്ങിയിട്ടുണ്ട്. 15 ശക്തമായ ആന്റിഓക്സിഡന്റ് ഫലങ്ങളുള്ള ഒരു സസ്യ പിഗ്മെന്റാണ് ലൈക്കോപീൻ.
ഓറഞ്ച് ജ്യൂസിൽ ഹെസ്പെരിഡിൻ, നരിരുട്ടിൻ എന്നീ ആന്റിഓക്സിഡന്റുകൾ അടങ്ങിയിട്ടുണ്ട്. ഇത് ശരീരത്തിലെ വീക്കം കുറയ്ക്കും. ഓറഞ്ച് ജ്യൂസ് ദിവസവും കുടിക്കുന്നത് രക്തസമ്മർദ്ദം കുറയ്ക്കുമെന്ന് കണ്ടെത്തി. കരിക്കിൻ വെള്ളത്തിൽ പൊട്ടാസ്യം, കാൽസ്യം, മഗ്നീഷ്യം എന്നിവയുൾപ്പെടെ നിരവധി പോഷകങ്ങളാൽ ഇത് സമ്പുഷ്ടമാണ്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കുകയും ടൈപ്പ് 2 പ്രമേഹ സാധ്യത കുറയ്ക്കുകയും ചെയ്യും. പാൽ – പൊട്ടാസ്യം, കാൽസ്യം, പ്രോട്ടീൻ എന്നിവയുടെ നല്ല ഉറവിടമാണ്. ഉറക്കം മെച്ചപ്പെടുത്തുന്ന സംയുക്തങ്ങളും ഇതിൽ അടങ്ങിയിരിക്കുന്നു.
ഉയർന്ന അളവിൽ പൊട്ടാസ്യം, മഗ്നീഷ്യം എന്നിവ അടങ്ങിയിരിക്കുന്നതിനാൽ രക്തസമ്മർദ്ദം കുറയ്ക്കാൻ അവക്കാഡോ സഹായിക്കുന്നു. ഇത് രക്തക്കുഴലുകളുടെ പിരിമുറുക്കം കുറയ്ക്കുകയും സോഡിയത്തിന്റെ അളവ് സന്തുലിതമാക്കുകയും ചെയ്യുന്നു. ആഴ്ചയിൽ കുറഞ്ഞത് രണ്ട് തവണയെങ്കിലും അവോക്കാഡോ കഴിക്കുന്നത് രക്തസമ്മർദ്ദത്തിനുള്ള സാധ്യത 17% കുറയ്ക്കുകയും ഹൃദയാരോഗ്യം മെച്ചപ്പെടുത്തുകയും ചെയ്യുന്നു.
