പത്തനംതിട്ട: സഹകരണമേഖലയേയും ജീവനക്കാരെയും ദ്രോഹിക്കുന്ന ഇടതുസർക്കാർ നയങ്ങൾക്ക് എതിരെ കേരള കോ- ഓപ്പറേറ്റിവ് എംപ്ലോയിസ് ഫ്രണ്ട് സംസ്ഥാന പ്രസിഡന്റ് ബിനു കാവുങ്കൽ നയിക്കുന്ന സഹകരണ സംരക്ഷണയാത്ര – ‘ദൗത്യം 2026’ ജനുവരി 4-ാം തീയതി കാസർഗോഡ് ചെർക്കളയിൽ നിന്ന് ആരംഭിച്ച് 13 -ാം തീയതി തിരുവനന്തപുരത്ത് സെക്രട്ടറിയേറ്റ് നടയിൽ സമാപിക്കും. 11 -ാം തീയതി ഞായറാഴ്ച വൈകിട്ട് 4.30 -ന് യാത്ര പത്തനംതിട്ടയിൽ എത്തിച്ചേരും. ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിലിന്റെ അദ്ധ്യക്ഷതയിൽ ചേരുന്ന സ്വീകരണ സമ്മേളനം ആന്റോ ആന്റണി എം.പി ഉത്ഘാടനം ചെയ്യും.
ഇൻഡ്യൻ നാഷണൽ കോൺഗ്രസിന്റെയും കേരളാ- കോ ഓപ്പറേറ്റിവ് എംപ്ലോയിസ് ഫ്രണ്ടിന്റെയും നേതാക്കൾ സംസാരിക്കും. സർക്കാർ സേവനങ്ങൾക്ക് അന്യായമായ ഫീസ് വർദ്ധിപ്പിച്ച് സംഘങ്ങൾക്ക് അമിതഭാരം ഏൽപ്പിച്ചും സഹകരണ നിയമങ്ങളും ചട്ടങ്ങളും മാറ്റി എഴുതി നിയമനങ്ങളും പ്രമോഷൻ സാദ്ധ്യതകൾ ഇല്ലാതാക്കിയും സഹകരണ മേഖലയേയും ജീവനക്കാരെയും ദ്രോഹിക്കുന്ന ഇടത് സർക്കാർ നയങ്ങൾക്ക് എതിരെയാണ് ഈ യാത്ര നടത്തുന്നതെന്ന് കേരള കോ – ഓപ്പറേറ്റീവ് എംപ്ലോയിസ് ഫ്രണ്ട് ജില്ലാ പ്രസിഡന്റ് ബിജു തുമ്പമൺ, ജില്ലാ സെക്രട്ടറി എം.പി രാജു എന്നിവർ അറിയിച്ചു.
