തിരുവനന്തപുരം : സഹകരണ വകുപ്പ് ജീവനക്കാരുടെ ട്രാൻസ്ഫർ നോംസ് നടപ്പിലാക്കുന്നതിൽ കാലതാമസം വരുത്തിയതിന് സഹ: സംഘം രജിസ്ട്രാർ നേരിട്ട് ഹാജരാകുവാൻ കേരള അഡ്മിനിസ്ട്രേറ്റീവ് ടൈബൂണൽ ഉത്തരവ്. ട്രാൻസ്ഫർ നോംസ് നടപ്പിലാക്കുന്നത് സംബന്ധിച്ച് നേരത്തെ അഡ്മിനിസ്ട്രേറ്റീവ് ട്രൈബ്യൂണൽ പുറപ്പെടുവിച്ച 16/7/21 ലെ OA 1315/2021 നടപ്പിലാക്കുന്നതിൽ കാലതാമസം വരുത്തിയതിന് കേരള സ്റ്റേറ്റ് കോ ഓപ്പറേറ്റീവ് ഇൻസ്പെക്ടേഴ്സ് അന്റ് ആഡിറ്റേഴ്സ് അസോസിയേഷൻ സമർപ്പിച്ച കോടതി അലക്ഷ്യ നടപടിയിൻ മേലാണ് ടൈബൂണൽ ഉത്തരവ്.
മൂന്ന് മാസത്തിനകം ഇലക്ട്രോണിക് ഡേറ്റാബേസ് തയ്യാറാക്കി ഓൺലൈൻ ട്രാൻസ്ഫർ നടപ്പിലാക്കണമെന്ന് വിധി പുറപ്പെടുവിച്ചിരുന്നു. എന്നാൽ 8 മാസമായിട്ടും ഓൺലൈൻ ട്രാൻസ്ഫർ നടപ്പിലാക്കാതിരുന്നത് കൊണ്ടാണ് സംഘടന കോടതി അലക്ഷ്യ നടപടികളുമായി മുന്നോട്ട് പോയത്. കേരള സ്റ്റേറ്റ് കോ ഓപ്പറേറ്റീവ് ഇൻസ്പെക്ടേഴ്സ് ആന്റ് ആഡിറ്റേഴ്സ് അസോസിയേഷൻ സംസ്ഥാന പ്രസിഡന്റ് പി.കെ ജയകൃഷ്ണൻ , ജന: സെക്രട്ടറി എം രാജേഷ് കുമാർ എന്നിവർ പറഞ്ഞു. സംഘടനക്ക് വേണ്ടി ഹൈക്കോടതി സീനിയർ അഭിഭാഷകൻ അഡ്വ: ടി .പി . അബ്ദുൾ ഹമീദ് ഹാജരായി.