ആലപ്പുഴ: പുന്നപ്രയില് നിര്ദ്ദേശം ലംഘിച്ച് പ്രവര്ത്തിച്ച രണ്ട് ഹോട്ടല് ഉടമകള്ക്കെതിരെ പോലീസ് കേസെടുത്തു. കേരളത്തില് കൊവിഡ് ബാധിതരുടെ എണ്ണം വര്ധിച്ച സംസ്ഥാനം മുഴുവനായും ലോക് ഡൗണ് പ്രഖ്യാപിച്ചിരിക്കുന്ന സാഹചര്യത്തില് ഹോട്ടലുകളില് ഹോം ഡെലിവറി അല്ലെങ്കില് പാഴ്സല് സംവിധാനമേ പാടുള്ളുവെന്ന് ഇന്നലെ മുഖ്യമന്ത്രി വ്യക്തമാക്കിയിരുന്നു. ഈ നിര്ദേശം ലംഘിച്ച് ഹോട്ടലില് ആളുകളെ ഇരുത്തി ഭക്ഷണം നല്കിയതിനാണ് പോലീസ് കേസെടുത്തത്. ഹോട്ടല് പോലീസ് പൂട്ടിച്ചു.
