പത്തനംതിട്ട കളക്ടറേറ്റ് : ജില്ലയില് ഇന്ന്(1) പുതിയ കേസുകള് ഒന്നും കണ്ടെത്തിയിട്ടില്ല. പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ്, ജില്ലാ മെഡിക്കല് ഓഫീസറുടെ ചേമ്പറില് കൂടി.
ഇന്നത്തെ സര്വൈലന്സ് ആക്ടിവിറ്റികള് വഴി പുതിയ പ്രൈമറി, സെക്കന്ഡറി കോണ്ടാക്ടുകളെ കണ്ടെത്തിയിട്ടില്ല.
ജനറല് ആശുപത്രി പത്തനംതിട്ടയില് ഒന്പതു പേരും, ജില്ലാ ആശുപത്രി കോഴഞ്ചേരിയില് അഞ്ചു പേരും നിലവില് ഐസൊലേഷനില് ഉണ്ട്. സ്വകാര്യ ആശുപത്രികളില് തിരുവല്ല പുഷ്പഗിരി മെഡിക്കല് കോളജ് ആശുപത്രിയില് മൂന്നു പേര് ഐസൊലേഷനില് ഉണ്ട്. ആകെ 17 പേര് വിവിധ ആശുപത്രികളില് നിരീക്ഷണത്തില് ഉണ്ട്. ഇന്ന് പുതിയതായി ആറു പേരെ ഐസൊലേഷനില് പ്രവേശിപ്പിച്ചു.
കഴിഞ്ഞ ന്യൂസ് ബുളളറ്റിനുശേഷം രണ്ടു പേരെ ഡിസ്ചാര്ജ് ചെയ്തു. ഇതുവരെ 95 പേരെ ഡിസ്ചാര്ജ് ചെയ്തിട്ടുണ്ട്.
വീടുകളില് 415 പ്രൈമറി കോണ്ടാക്ടുകളും 180 സെക്കന്ഡറി കോണ്ടാക്ടുകളും നിരീക്ഷണത്തില് ആണ്. നിലവില് വിദേശത്തു നിന്നും തിരിച്ചെത്തിയ 3644 പേരും മറ്റ് സംസ്ഥാനങ്ങളില് നിന്നും തിരിച്ചെത്തിയ 4731 പേരും വീടുകളില് നിരീക്ഷണത്തിലാണ്. വിദേശത്ത് നിന്നും തിരിച്ചെത്തിയ 162 പേരെയും മറ്റ് സംസ്ഥാനങ്ങളില് നിന്നും തിരിച്ചെത്തിയ 506 പേരേയും നിരീക്ഷണത്തില് നിന്നും വിടുതല് ചെയ്തു. ആകെ 8970 പേര് വീടുകളില് നിരീക്ഷണത്തിലാണ്.
ഇന്ന് ജില്ലയില് നിന്നും 76 സാമ്പിളുകള് ഉള്പ്പെടെ ആകെ 731 സാമ്പിളുകള് പരിശോധനയ്ക്കായി അയച്ചിട്ടുണ്ട്. ഇന്ന് 37 സാമ്പിളുകളുടെ ഫലം നെഗറ്റീവായി വന്നിട്ടുണ്ട്. ജില്ലയില് ഇന്നുവരെ അയച്ച സാമ്പിളുകളില് 12 എണ്ണം പൊസിറ്റീവായും 478 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 172 സാമ്പിളുകളുടെ ഫലം ലഭിക്കാനുണ്ട്.
ജില്ലയുടെ അതിരുകളില് 140 ടീമുകള് ഇന്ന് ആകെ 5578 യാത്രികരെ സ്ക്രീന് ചെയ്തു. ഇവരില് രോഗലക്ഷണങ്ങള് ഉളള ആരെയും കണ്ടെത്തിയിട്ടില്ല. ആകെ 5283 പേര്ക്ക് ബോധവത്ക്കരണം നല്കി. ജില്ലാ മെഡിക്കല് ഓഫീസറുടെ കണ്ട്രോള് റൂമില് 60 കോളുകളും, ദുരന്തനിവാരണ വിഭാഗത്തിന്റെ കണ്ട്രോള് റൂമില് 96 കോളുകളും ലഭിച്ചു.
ക്വാറന്റൈനിലുളള ആളുകള്ക്ക് നല്കുന്ന സൈക്കോളജിക്കല് സര്പ്പോര്ട്ടിന്റെ ഭാഗമായി ഇന്ന് 20 കോളുകള് ലഭിച്ചു. 52 പേര്ക്ക് കൗണ്സലിംഗ് നല്കി.
നാല് ഗവണ്മെന്റ് ആരോഗ്യസ്ഥാപനങ്ങളില് നടത്തിയ പരിശീലന പരിപാടിയില് 12 ഡോക്ടര്മാര്, 32 നഴ്സുമാര്, 38 മറ്റ് ജീവനക്കാര് എന്നിവര് ഉള്പ്പെടെ ആകെ 82 പേര്ക്ക് പരിശീലനം നല്കി. 815 അതിഥി തൊഴിലാളികളെ ലേബര് വകുപ്പിന്റെ സഹകരണത്തോടുകൂടി സ്ക്രീനിംഗിന് വിധേയമാക്കി. ഇവരില് ഏഴു പേര്ക്ക് രോഗലക്ഷണങ്ങള് കണ്ടെത്തി ഇവരെ ഐസൊലേഷനില് പ്രവേശിപ്പിച്ചു.
ഇന്ന് ഗൃഹസന്ദര്ശന പരിപാടിയില് പങ്കെടുത്ത വോളന്റിയര്മാര് ആകെ 5260 വീടുകള് സന്ദര്ശിച്ചു. പത്തനംതിട്ട എം.പി. ആന്റോ ആന്റണിയുടെ ഫണ്ടില് നിന്നും അനുവദിച്ച വെന്റിലേറ്റര് പത്തനംതിട്ട ജനറല് ആശുപത്രിയില് സ്ഥാപിച്ചു. കൂടാതെ സാമൂഹ്യപ്രതിബദ്ധതാ ഫണ്ടില് നിന്നും ലഭിച്ച ഒരു വെന്റിലേറ്ററും സ്ഥാപിച്ചു. ജില്ലാ കളക്ടര് പി.ബി. നൂഹിന്റെ നേതൃത്വത്തിലുളള ദൈനംദിന അവലോകനയോഗം വൈകുന്നേരം ആറിന് ജില്ലാ കളക്ടറുടെ ചേമ്പറില് നടന്നു.
