പത്തനംതിട്ട കളക്ടറേറ്റ് : ജില്ലയില് ഇന്ന് (8) പുതിയ ഒരു കേസ് കണ്ടെത്തി. ദുബായില് നിന്നും തിരിച്ചെത്തിയ ആള്ക്കാണ് രോഗം സ്ഥിരീകരിച്ചത്. ഇദ്ദേഹം നിലവില് പത്തനംതിട്ട ജനറല് ആശുപത്രിയില് ഐസൊലേഷനില് ആണ്. പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ്, ജില്ലാ മെഡിക്കല് ഓഫീസറുടെ ചേമ്പറില് കൂടി.
ഇന്നത്തെ സര്വൈലന്സ് ആക്ടിവിറ്റികള് വഴി കഴിഞ്ഞ ദിവസങ്ങളില് കണ്ടെത്തിയ കേസുകളുടെ മൂന്ന് സെക്കന്ഡറി കോണ്ടാക്ടുകളെ കണ്ടെത്തി. ജനറല് ആശുപത്രി പത്തനംതിട്ടയില് 11 പേരും ജില്ലാ ആശുപത്രി കോഴഞ്ചേരിയില് നാല് പേരും നിലവില് ഐസൊലേഷനില് ഉണ്ട്. സ്വകാര്യ ആശുപത്രികളില് നിലവില് ആരും ഐസൊലേഷനില് ഇല്ല. ആകെ 15 പേര് വിവിധ ആശുപത്രികളില് നിരീക്ഷണത്തില് ഉണ്ട്. ഇന്ന് പുതിയതായി മൂന്നു പേരെ ഐസൊലേഷനില് പ്രവേശിപ്പിച്ചു. കഴിഞ്ഞ ന്യൂസ് ബുളളറ്റിനുശേഷം അഞ്ചു പേരെ ഡിസ്ചാര്ജ് ചെയ്തിട്ടുണ്ട്. ഇതുവരെ രോഗബാധ പൂര്ണമായും ഭേദമായ ഏഴു പേര് ഉള്പ്പെടെ ആകെ 125 പേരെ ഡിസ്ചാര്ജ് ചെയ്തിട്ടുണ്ട്.
ഡല്ഹി നിസാമുദ്ദീനില് മത സമ്മേളനത്തില് പങ്കെടുത്ത പത്തനംതിട്ട ജില്ലക്കാരായ 20 പേര് നിലവില് ജില്ലയില് ഹോം ഐസൊലേഷനില് ആണ്. ഇവരില് 18 പേരുടെ പരിശോധനാ ഫലം നെഗറ്റീവായി റിപ്പോര്ട്ട് ലഭിച്ചിട്ടുണ്ട്. ബാക്കി രണ്ടു പേരുടെ സാമ്പിളുകള് ഇന്ന് പരിശോധനയ്ക്ക് അയച്ചിട്ടുണ്ട്.
വീടുകളില് 99 പ്രൈമറി കോണ്ടാക്ടുകളും 276 സെക്കന്ഡറി കോണ്ടാക്ടുകളും നിരീക്ഷണത്തില് ആണ്. നിലവില് വിദേശത്തു നിന്നും തിരിച്ചെത്തിയ 2351 പേരും മറ്റ് സംസ്ഥാനങ്ങളില് നിന്നും തിരിച്ചെത്തിയ 4583 പേരും വീടുകളില് നിരീക്ഷണത്തിലാണ്. വിവിധ കേസുകളുടെ സെക്കന്ഡറി കോണ്ടാക്ടുകളില് ഉള്പ്പെട്ട 29 പേരെയും, വിദേശത്ത് നിന്നും തിരിച്ചെത്തിയ 224 പേരെയും നിരീക്ഷണ കാലം പൂര്ത്തിയായതിനാല് ക്വാറന്റൈനില് നിന്ന് വിടുതല് ചെയ്തു. ആകെ 7329 പേര് വീടുകളില് നിരീക്ഷണത്തിലാണ്.
ഇന്ന് ജില്ലയില് നിന്നും 195 സാമ്പിളുകള് ഉള്പ്പെടെ ആകെ 1648 സാമ്പിളുകള് പരിശോധനയ്ക്കായി അയച്ചിട്ടുണ്ട്. ഇന്ന് 158 സാമ്പിളുകളുടെ ഫലം നെഗറ്റീവായി വന്നിട്ടുണ്ട്. ജില്ലയില് ഇന്നു വരെ അയച്ച സാമ്പിളുകളില് 16 എണ്ണം പൊസിറ്റീവായും 1173 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 364 സാമ്പിളുകളുടെ ഫലം ലഭിക്കാനുണ്ട്.
ജില്ലയുടെ അതിരുകളില് 145 ടീമുകള് ഇന്ന് ആകെ 5418 യാത്രികരെ സ്ക്രീന് ചെയ്തതില് രോഗലക്ഷണങ്ങള് ഉളള ആരെയും കണ്ടെത്തിയിട്ടില്ല. സ്ക്രീനിംഗില് രോഗലക്ഷണം കണ്ടെത്തിയ ഒരാളെ പുനലൂര് താലൂക്ക് ആശുപത്രിയില് എത്തിച്ച് ചികിത്സ നല്കി. ആകെ 4752 പേര്ക്ക് ബോധവത്ക്കരണം നല്കി.
ജില്ലാ മെഡിക്കല് ഓഫീസറുടെ കണ്ട്രോള് റൂമില് 56 കോളുകളും, ദുരന്തനിവാരണ വിഭാഗത്തിന്റെ കണ്ട്രോള് റൂമില് 87 കോളുകളും ലഭിച്ചു. രോഗം സ്ഥിരീകരിച്ചവരുടെ Spatiotemporal mapping ഉപയോഗിച്ചുളള പരിശോധനയില് ഇന്ന് രണ്ടു കോളുകള് ലഭിച്ചു. മൈഗ്രന്റ് കോള് സെന്ററിലേക്ക് ഇന്ന് നാല് കോളുകള് ലഭിച്ചു.
ക്വാറന്റൈനിലുളള ആളുകള്ക്ക് നല്കുന്ന സൈക്കോളജിക്കല് സപ്പോര്ട്ടിന്റെ ഭാഗമായി ഇന്ന് 1191 കോളുകള് നടത്തുകയും 32 പേര്ക്ക് കൗണ്സലിംഗ് നല്കുകയും ചെയ്തു.
മൂന്ന് ഗവണ്മെന്റ് ആരോഗ്യസ്ഥാപനങ്ങളില് നടത്തിയ പരിശീലന പരിപാടിയില് 20 ഡോക്ടര്മാര്, 48 നഴ്സുമാര്, 39 മറ്റ് ജീവനക്കാര് എന്നിവര് ഉള്പ്പെടെ ആകെ 107 പേര്ക്ക് പരിശീലനം നല്കി. കൂടാതെ വോളന്റിയര്മാരായി പേര് രജിസ്റ്റര് ചെയ്തിട്ടുളള ഒരു ഡോക്ടര്ക്കും, 14 സ്റ്റാഫ് നഴ്സുമാര്ക്കും പരിശീലനം നല്കി. 335 അതിഥി തൊഴിലാളികളെ ലേബര് വകുപ്പിന്റെ സഹകരണത്തോടുകൂടി സ്ക്രീനിംഗിന് വിധേയമാക്കി. ഇവരില് ആര്ക്കും രോഗലക്ഷണങ്ങള് കണ്ടെത്തിയിട്ടില്ല. ഇന്ന് ഗൃഹസന്ദര്ശന പരിപാടിയില് പങ്കെടുത്ത വോളന്റിയര്മാര് ആകെ 5180 വീടുകള് സന്ദര്ശിച്ചു.
ജില്ലാ ഭരണകൂടവുമായി കൈകോര്ത്ത് പ്രാബല്യത്തില് വന്ന ഇന്റഗ്രേറ്റഡ് വോയിസ് റസ്പോണ്സ് സിസ്റ്റത്തില് ഇന്ന് 52 കോളുകള് ലഭിച്ചു (ഫോണ് നമ്പര് 9205284484) ഇവയില് 29 കോളുകള് കണ്ട്രോള് റൂമുമായും, മൂന്നു കോളുകള് സൈക്കോളജിക്കല് സപ്പോര്ട്ട് ടീമുമായും, 20 കോളുകള് മെഡിക്കല്/നോണ്മെഡിക്കല് ആവശ്യങ്ങളുമായി ബന്ധപ്പെട്ടതുമായിരുന്നു. ജില്ലാ കളക്ടര് പി.ബി. നൂഹിന്റെ നേതൃത്വത്തിലുളള ദൈനംദിന അവലോകനയോഗം വൈകുന്നേരം 4.30 ന് ജില്ലാ കളക്ടറുടെ ചേമ്പറില് നടന്നു.
