ബെയ്ജിംഗ്: ഇനി കൊറോണ അല്ല കൊവിഡ് 19 ലോകത്തെ ആശങ്കയിലാഴ്ത്തിയ കൊറോണ വൈറസിന് ലോകാരോഗ്യ സംഘടന (ഡബ്ല്യുഎച്ച്ഒ) ‘കൊവിഡ് 19’ (Covid-19) എന്ന് നാമകരണം ചെയ്തു. കൊറോണ വൈറസ് ഡിസീസ് എന്നതിന്റെ ചുരുക്കരൂപമാണ് ‘കൊവിഡ് 19’. പല രാജ്യങ്ങളിലും കൊറോണ വൈറസിന് വിവിധ പേരുകളുള്ള സാഹചര്യത്തില് ആശയക്കുഴപ്പം ഒഴിവാക്കാനാണ് നാമകരണമെന്ന് ഡബ്ല്യുഎച്ച്ഒ ഡയറക്ടര് ജനറല് അറിയിച്ചു.
കൊറോണ ചികിത്സയ്ക്കുള്ള ആദ്യ വാക്സിന് 18 മാസത്തിനുള്ളില് പുറത്തിറക്കുമെന്ന് ലോകാരോഗ്യ സംഘടനാ മേധാവി ടെഡ്രോസ് അദാനം പറഞ്ഞു.അതിനിടെ കൊറോണ വൈറസ് ബാധിച്ച് ചൈനയില് മരിച്ചവരുടെ എണ്ണം 1,112 ആയി. രോഗം ബാധയെ ഇന്നലെ മാത്രം 99 പേരാണ് ചൈനയില് തുടര്ന്ന് മരിച്ചത്. ഹോങ്കോങ്ങില് ഇന്നലെ 50 പേരില് കൂടി രോഗബാധ സ്ഥിരീകരിച്ചു.