മോസ്കോ : റഷ്യയിലെ കുഞ്ഞു വവ്വാലുകളില് സ്ഥിരീകരിക്കപ്പെട്ട പ്രത്യേക തരം കോവിഡ് വൈറസ് മനുഷ്യരിലേക്ക് പടരാനും കോവിഡ് വാക്സിനുകളും കോവിഡ് വൈറസും തീര്ക്കുന്ന പ്രതിരോധ ശക്തിയെ മറികടക്കാനും ശേഷിയുള്ളതെന്ന് പഠനങ്ങള്. 2020കളുടെ അവസാന സമയത്താണ് റഷ്യയില് കോസ്റ്റാ 1, കോസ്റ്റാ 2 വൈറസുകളെ വവ്വാലില് കണ്ടെത്തുന്നത്.
സാര്സ് ബീറ്റാ കൊറോണ വൈറസ് (സാര്ബക്കോ വൈറസ്) വിഭാഗത്തില്പ്പെട്ട ഒരു തരം കൊറോണ വൈറസിനെയാണ് റൈനോപസ് ഹിപ്പോസിഡറോസിസ് അഥവാ ലെഷര് ഹോഷൂ ബാറ്റ്സ് എന്ന കുഞ്ഞു വവ്വാലുകളില് കണ്ടെത്തിയിരുന്നത്. പഠനത്തിന്റെ അടിസ്ഥാനത്തില് ഈ വൈറസുകള്ക്ക് മനുഷ്യ കോശങ്ങളിലേക്ക് സാര്സ് കോവി 2 വൈറസുകളെപ്പോലെ തന്നെ കടന്നുകയറാന് സാധിക്കും എന്നാണ് മനസ്സിലാക്കേണ്ടത്.
സാര്സ് കോവി വൈറസിനെ പോലെ തന്നെ ശരീരത്തിലേക്ക് കയറി ന്യൂമോണിയ പോലെയുള്ള രോഗമുണ്ടാക്കുന്ന ഈ വൈറസുകള്ക്ക് ഇപ്പോള് ലഭ്യമായ കോവിഡ് വൈറസ് വാക്സിനുകള് ഉണ്ടാക്കുന്ന പ്രതിരോധ ശേഷിയെ മറികടക്കാന് സാധിക്കുമെന്നുമാണ് ഈ പഠനം സൂചിപ്പിക്കുന്നത്.
ജന്തുജന്യമായ കോവിഡ് വൈറസുകള് തടയാനുള്ള ശേഷി കൂടി വാക്സിനുകള്ക്ക് ഉണ്ടാവേണ്ടതുണ്ടെന്നും വിദഗ്ദര് അഭിപ്രായപ്പെടുന്നു. എന്നിരുന്നാല് കൂടി പുതിയ തരത്തിലുള്ള വൈറസുകള് മൃഗങ്ങളില് നിന്ന് മനുഷ്യരിലേക്ക് പടരാനുള്ള സാധ്യതയും അത് പകര്ച്ച വ്യാധികള് ഉണ്ടാക്കാനുള്ള സാധ്യതയും തള്ളിക്കാനാവുകയും ഇല്ല.
