കോഴിക്കോട് : മലബാര് ജില്ലകളില് ഡിഗ്രി പ്രവേശനം ലഭിക്കാതെ വിദ്യാര്ഥികള്. പ്ലസ്ടു വിന് 90 ശതമാനം മാര്ക്ക് ലഭിച്ച വിദ്യാര്ഥികള്ക്ക് പോലും മെറിറ്റ് സീറ്റ് കിട്ടിയില്ല. കാലിക്കറ്റ് യൂനിവേഴ്സിറ്റിയുടെ കീഴിലുള്ള അഞ്ചു ജില്ലകളിലായി ഈ വര്ഷം പ്ലസ് ടു വിജിയച്ചത് 162764 വിദ്യാര്ഥികളാണ്. ഈ ജില്ലകളിലായി സര്ക്കാര് എയ്ഡഡ് കോളജുകളിലുള്ള ആകെ സീറ്റുകള് 29893 മാത്രമാണ്. സ്വാശ്രയ കോളേജ്കളില് പഠിക്കാനുള്ള സാമ്പത്തികാവസ്ഥയില്ലാത്ത വിദ്യാര്ഥികളുടെ ഭാവി ആശങ്കയിലാവുകയാണ്.
രണ്ടാം സപ്ലിമെന്ററി അലോട്മെന്റ് കഴിഞ്ഞിരിക്കെ ഇനി പ്രവേശന സാധ്യത കുറവാണ്. പിന്നോക്കമേഖലയിലെ ഈ വിദ്യാര്ഥികളുടെ രക്ഷിതാക്കള്ക്ക് എല്ലാ പ്രതീക്ഷയും നഷ്ടപ്പെട്ടു. കൂടുതല് സര്ക്കാര് എയ്ഡഡ് കോളജുകള് തുടങ്ങാതെ മലബാറിലെ ഉന്നതവിദ്യാഭ്യാസ പ്രതിസന്ധി മറികടക്കില്ല.
