പറവൂര് : നഗരസഭയുടെ സ്ഥലം അന്യാധീനപ്പെടുത്തിയവര്ക്കെതിരെ നടപടി ആവശ്യപ്പെട്ട് സ്വതന്ത്ര കൗണ്സിലര് ജോബി പഞ്ഞിക്കാരന് നഗരസഭക്ക് മുന്നില് കുത്തിയിരിപ്പ് സമരം നടത്തി. രമേഷ് ഡി കുറുപ്പ് ചെയര്മാനായിരുന്ന കഴിഞ്ഞ കൗണ്സിലിന്റെ കാലത്ത് നടന്ന സംഭവത്തില് അഴിമതി ആക്ഷേപം ഉന്നയിച്ചാണ് സമരം നടത്തിയത്. ലൈബ്രറി റോഡില് നഗരസഭയുടെ ഉടമസ്ഥതയിലുള്ള സ്ഥലത്തെ മതില് തകര്ന്നതിനെ തുടര്ന്ന് ഇത് പുനര്നിര്മിക്കാന് കൗണ്സിലിന്റെ അനുവാദം തേടിയിരുന്നു.
ഇതിന്റെ മറവിലാണ് സ്വകാര്യ വ്യക്തിയെ സഹായിക്കാന് കൗണ്സിലിെന്റയോ സര്ക്കാറിെന്റയോ അനുവാദമില്ലാതെ ഭൂമി വിട്ടുനല്കിയത്. ഇതിന് കൂട്ടുനിന്നവര്ക്കെതിരെ നടപടി സ്വീകരിക്കാന് ഭരണപക്ഷം തയാറാകുന്നില്ല. നിലവിലെ നഗരസഭാധ്യക്ഷ കഴിഞ്ഞ കൗണ്സിലില് പൊതുമരാമത്ത് സ്ഥിരം സമിതി അധ്യക്ഷയായിരുന്നു. ഇവരുടെ അറിവില്ലാതെ ഭൂമി വിട്ടു നല്കാന് കഴിയില്ലെന്നും ഇതുകൂടി അന്വേഷണ വിധേയമാക്കണമെന്നും ജോബി പഞ്ഞിക്കാരന് ആവശ്യപ്പെട്ടു.
