മുംബൈ : പ്രായപൂര്ത്തിയാകാത്ത മകളെ പീഡിപ്പിച്ച് കൊലപ്പെടുത്തിയ ശേഷം മൃതദേഹവുമായി ട്രെയിനില് യാത്ര ചെയ്ത ദമ്പതികള് അറസ്റ്റില്. മഹാരാഷ്ട്രയിലാണ് രാജ്യത്തെ നടുക്കിയ അതിക്രൂര സംഭവം നടന്നത്. ഇവര് സെക്കന്ദരാബാദ് രാജ്കോട്ട് എക്സ്പ്രസില് രാജസ്ഥാനിലേക്ക് യാത്ര ചെയ്യുകയായിരുന്നു. എന്നാല് യാത്ര തുടങ്ങുമ്പോള് മുതല് കുട്ടി ഉറങ്ങുന്ന നിലയിലായിരുന്നു. ഇത് കൂടെയുള്ള യാത്രക്കാര്ക്ക് സംശയമായി.ഏകദേശം 6 മണിക്കൂറോളം പിന്നിട്ടിട്ടും കുട്ടിക്ക് യാതൊരു അനക്കവും ഇല്ലാതിരുന്നത് സഹയാത്രികര് ശ്രദ്ധിച്ചു. ഇതോടെ യാത്രക്കാര് റെയില്വേ പോലീസിനെ വിവരം അറിയിക്കുകയായിരുന്നു. ഇവര് സോളപൂര് പോലീസിനും വിവരം കൈമാറി.
പോലീസ് ഉടന് ട്രെയിനിലെത്തി പരിശോധിച്ചപ്പോഴാണ് കുട്ടി മരിച്ച് കിടക്കുക്കയാണെന്ന് കണ്ടെത്തിയത്. ഇതോടെ ദമ്പതികളെ പോലീസ് കസ്റ്റഡിയിലെടുത്ത് ചോദ്യം ചെയ്തു. ഇതോടെയാണ് ക്രൂര സംഭവത്തിന്റെ ചുരുളഴിയുന്നത്. കുട്ടിയെ അച്ഛന് പീഡിപ്പിച്ച് കൊലപ്പെടുത്തിയതാണ്. പിന്നീട് ഇയാള് ഭാര്യയെയും മകനെയും ഭീഷണിപ്പെടുത്തി. തെളിവ് നശിപ്പിക്കാനായി ഇവരെ രാജസ്ഥാനിലെ സ്വന്തം ഗ്രാമത്തിലേക്ക് കൂട്ടിക്കൊണ്ട് പോകുകയായിരുന്നു. റെയില്വേ പോലീസും സോളപൂര് പോലീസും സംഭവത്തില് കേസെടുത്ത് അന്വേഷണം ആരംഭിച്ചിട്ടുണ്ട്.
