കൊല്ലം: തമിഴ്നാട്ടിലെ മധുരയില് നടന്ന വാഹനാപകടത്തില് മലയാളി ദമ്പതികള് മരിച്ചു. കൊല്ലം വെളിയം ആരുര്ക്കോണം അശ്വതിയില് എന് ധനപാല് (അനില്-59), ഭാര്യ ജലജ ധനപാല് (51) എന്നിവരാണ് മരിച്ചത്.
വിശാഖപട്ടണത്ത് സ്ഥിരതാമസമാക്കിയ കുടുംബം നാട്ടിലേക്ക് വരികയായിരുന്നു. കാറില് ഒപ്പമുണ്ടായിരുന്ന രണ്ട് മക്കളും ഡ്രൈവറും അത്ഭുതകരമായി രക്ഷപെട്ടു. വിശാഖപട്ടണം മലയാളി അസോസിയേഷന് പ്രസിഡന്റ് , ലോക കേരള സഭാ അംഗം എന്നീ നിലകളില് ധനപാല് പ്രവര്ത്തിച്ചിരുന്നു. മൃതദേഹം പോസ്റ്റുമോര്ട്ടത്തിന് ശേഷം ഇന്ന് വീട്ടുവളപ്പില് സംസ്കരിക്കും. മക്കള്: പ്ലസ് ടു വിദ്യാര്ത്ഥിനിയായ അശ്വതി, പത്താം ക്ലാസ് വിദ്യാര്ത്ഥി അനുഷ്.
