മുട്ടം : 16കാരനെ പ്രകൃതിവിരുദ്ധ ലൈംഗിക പീഡനത്തിന് ഇരയാക്കിയ കേസില് പ്രതിക്ക് 17 വര്ഷം കഠിനതടവും മൂന്ന് ലക്ഷം രൂപ പിഴയും ശിക്ഷ വിധിച്ച് കോടതി. പീരുമേട് കരടിക്കുഴി പട്ടുമല എച്ച്.എം.എല് എസ്റ്റേറ്റ് ലയത്തില് താമസിക്കുന്ന അനീഷ് കുമാറിനെയാണ് (21) തൊടുപുഴ പോക്സോ കോടതി സ്പെഷ്യല് ജഡ്ജി നിക്സണ് എം.ജോസഫ് ശിക്ഷിച്ചത്. 2017 മാര്ച്ചിലാണ് കേസിനാസ്പദ സംഭവം. പിഴ അടച്ചില്ലെങ്കില് 300 ദിവസം കൂടി കഠിനതടവ് അനുഭവിക്കണമെന്നും കോടതി വിധിയില് പറയുന്നു. പീഡനത്തിന് ഇരയായ കുട്ടിക്ക് പുനരധിവാസത്തിന് ഒരുലക്ഷം രൂപ നഷ്ടപരിഹാരം ലഭ്യമാക്കാന് ജില്ല ലീഗല് സര്വിസസ് അതോറിറ്റിക്ക് കോടതി നിര്ദ്ദേശം നല്കി. സ്പെഷ്യല് പബ്ലിക് പ്രോസിക്യൂട്ടര് പി.ബി വാഹിദ ഹാജരായി.
