തലശേരി: ശരണ്യയുടെ ജാമ്യഹര്ജി കോടതി തള്ളി. ഒന്നര വയസുള്ള സ്വന്തം കുഞ്ഞിനെ കടലിലെറിഞ്ഞു കൊലപ്പെടുത്തിയ കേസിലെ പ്രതിയാണ് ശരണ്യ. കഴിഞ്ഞ ഫെബ്രുവരി 17 ന് രാത്രിയിലായിരുന്നു കേസിനാസ്പദമായ സംഭവം നടന്നത്. കാമുകനൊപ്പം താമസിക്കാന് ഒന്നര വയസുള്ള കുഞ്ഞിനെ കടലിലെറിഞ്ഞ് കൊല്ലുകയായിരുന്നു. കരിങ്കല് ഭിത്തിയില് തലയിടിച്ചാണ് കുഞ്ഞു മരിച്ചത്.
ഭര്ത്താവിനൊപ്പം കിടന്നുറങ്ങുകയായിരുന്ന മകനെ എടുത്തുകൊണ്ടുപോയി കടലില് എറിയുകയായിരുന്നു. ശരണ്യക്കെതിരെ കൊലക്കുറ്റം, ഗൂഢാലോചന, തെളിവ് നശിപ്പിക്കല് തുടങ്ങിയ വകുപ്പുകള് ഉള്പ്പെടുത്തിയാണ് അന്വേഷണ സംഘം കുറ്റപത്രം സമര്പ്പിച്ചത്. കാമുകന് വലിയന്നൂര് സ്വദേശി നിധിന് കൂട്ടുപ്രതിയാണ്. ഇയാള്ക്ക് നേരത്തെ ജാമ്യം ലഭിച്ചിരുന്നു.
