കൊച്ചി: ഓണ്ലൈന് അവതാരകയെ അഭിമുഖത്തിനിടെ നടന് ശ്രീനാഥ് ഭാസി അസഭ്യം പറഞ്ഞതുമായി ബന്ധപ്പെട്ട കേസ് ഹൈക്കോടതി റദ്ദാക്കി. പരാതിക്കാരിയുമായി ഒത്തുതീര്പ്പ് ഉണ്ടായതിനെ തുടര്ന്നാണ് നടപടി. കേസ് റദ്ദാക്കണമെന്ന് ശ്രീനാഥ് ഭാസി അപേക്ഷ നല്കിയിരുന്നു. പരാതിക്കാരിയുമായി ഒത്തുതീര്പ്പിലെത്തിയെന്നും പ്രോസിക്യൂഷന് നടപടിയുമായി മുന്നോട്ട് പോകാന് താല്പ്പര്യമില്ലെന്ന് അവതാരക അറിയിച്ചതായും കേസ് റദ്ദാക്കണമെന്നും നടന് ആവശ്യപ്പെട്ടു. ഹര്ജിയില് പ്രാഥമിക വാദം കേട്ട കോടതി മരട് പോലീസ് എടുത്ത കേസിലെ തുടര് നടപടികള് സ്റ്റേ ചെയ്തു. തനിക്ക് പരാതിയില്ലെന്നും കേസുമായി മുന്നോട്ട് പോകാന് താല്പ്പര്യമില്ലെന്നും പരാതിക്കാരിയും ഹൈക്കോടതിയില് സത്യവാങ്മൂലം നല്കിയിരുന്നു. പിന്നാലെയാണ് കോടതി കേസ് റദ്ദാക്കിയത്.
