ചെങ്ങന്നൂർ : ചെങ്ങന്നൂർ ഐഎച്ച്ആർടി എഞ്ചിനീയറിംഗ് കോളേജിൽ എപിജെ അബ്ദുൾകലാം ടെക്നോളോജിക്കൽ യൂണിവേഴ്സിറ്റിയുടെ കീഴിൽ പുതുതായി ആരംഭിച്ച മാസ്റ്റർ ഓഫ് കമ്പ്യൂട്ടർ ആപ്ലിക്കേഷൻ (MCA)കോഴ്സ് ആരംഭിച്ചു. കോളേജ് പ്രിൻസിപ്പൾ ഡോ. സ്മിതാധരന്റെ അദ്ധ്യക്ഷതയിൽ കൂടിയ യോഗത്തിൽ ചെങ്ങന്നൂർ എം. എൽ. എ, സജി ചെറിയാൻ കോഴ്സിന്റെ ഔപചാരിക ഉദ്ഘാടനം നിർവ്വഹിച്ചു. “വൈഞ്ജാനിക കേന്ദ്രങ്ങളുടെ വികസനമാണ് പുതിയ കാലഘട്ടത്തിന്റെ യഥാർത്ഥ വികസനം” എന്ന് സജി ചെറിയാൻ ഉദ്ഘാടന പ്രസംഗത്തിൽ പറഞ്ഞു. പി ടി എ വൈസ് പ്രസിഡണ്ട് അഡ്വ. ജോർജ്ജ് തോമസ്, കോളേജ് യൂണിയൻ സ്റ്റാഫ് അഡ്വൈസർ ഡോ. മധുസൂദനൻ നായർ ആർ, ഹെഡ് ഓഫ് ഡിപ്പാർട്ട്മെന്റ് ഇലക്ട്രോണിക്സ് ഡോ. ലൈല ഡി, ഹെഡ് ഓഫ് ഡിപ്പാർട്ട്മെന്റ് കമ്പ്യൂട്ടർ ഡോ. മഞ്ജു എസ് നായർ, കോഴ്സ് കോർഡിനേറ്റർ ഗോപകുമാർ ജി എന്നിവർ യോഗത്തിൽ സംസാരിച്ചു.
