ഡല്ഹി : രാജ്യത്ത് കൊവിഡ് 19 ബാധിച്ച് ഇന്ന് ആറ് പേര് കൂടി മരിച്ചു. തമിഴ്നാട്, മഹാരാഷ്ട്ര, ഗുജറാത്ത് എന്നീ സംസ്ഥാനങ്ങളിലാണ് മരണം റിപ്പോര്ട്ട് ചെയ്തത്. മഹാരാഷ്ട്രയിലെ പൂനയില് മാത്രം ഇന്ന് മൂന്ന് പേരാണ് മരിച്ചത്. തമിഴ്നാട്ടില് രണ്ട് പേരും മരിച്ചു. ചെന്നൈ വണ്ണാറപ്പേട്ട, രാമനാഥപുരം സ്വദേശികളാണ് മരിച്ചത്. ഗുജറാത്തിലെ സുറത്തില് ചികിത്സയിലായിരുന്ന സ്ത്രീയാണ് മരിച്ചത്.
രാജ്യത്ത് ഇതോടെ കൊവിഡ് ബാധിച്ച് മരിച്ചവരുടെ എണ്ണം 92 ആയി. 24 മണിക്കൂറിനിടെ 472 കോവിഡ് കേസുകളാണ് രാജ്യത്ത് റിപ്പോര്ട്ട് ചെയ്തിരിക്കുന്നത്. തമിഴ്നാട്ടില് ചെന്നൈ വണ്ണാറപ്പേട്ട, രാമനാഥപുരം സ്വദേശികളാണ് ഇന്ന് മരിച്ചത്. തബ്ലീഗ് സമ്മേളനത്തില് പങ്കെടുത്ത് മടങ്ങിയെത്തിയ ആളാണ് ചെന്നൈയില് മരിച്ചത്. ഇതോടെ തമിഴ്നാട്ടില് കൊവിഡ് ബാധിച്ച് മരിച്ചവരുടെ എണ്ണം അഞ്ചായി.
മഹാരാഷ്ട്രയില് 26 പുതിയ കേസുകളാണ് ഇന്ന് റിപ്പോര്ട്ട് ചെയ്തത്. ധാരാവിയിലും ഒരാള്ക്ക് കൂടി കൊറോണ സ്ഥിരീകരിച്ചു. ഇതോടെ സംസ്ഥാനത്തെ കൊറോണ വൈറസ് ബാധിതരുടെ എണ്ണം 661 ആയി. 32 പേരാണ് മഹാരാഷ്ട്രയില് കൊറോണ ബാധിച്ച് മരിച്ചത്.
