പത്തനംതിട്ട കളക്ടറേറ്റ് : ജില്ലയില് ഇന്ന് ആറു പേര്ക്ക് കോവിഡ്-19 സ്ഥിരീകരിച്ചു. 1) ജൂണ് 15 ന് സൗദിയില് നിന്നും എത്തിയ അരുവാപ്പുലം സ്വദേശിയായ 32 വയസുകാരന്, 2) ജൂണ് 13ന് കുവൈറ്റില് നിന്നും എത്തിയ പ്രമാടം മല്ലശേരി സ്വദേശിയായ 22 വയസുകാരന്, 3) ജൂണ് 21 ന് ദുബായില് നിന്നും എത്തിയ മുണ്ടുകോട്ടയ്ക്കല് സ്വദേശിയായ 35 വയസുകാരന്, 4) ജൂണ് 16 ന് കുവൈറ്റില് നിന്നും എത്തിയ കൊടുമണ് പുതുമല സ്വദേശിയായ 27 വയസുകാരന്, 5) ജൂണ് 15 ന് ഡല്ഹിയില് നിന്നും എത്തിയ ഇരവിപേരൂര് സ്വദേശിനിയായ 25 വയസുകാരി, 6) ജൂണ് 12ന് ഡല്ഹിയില് നിന്നും എത്തിയ നാറാണംമൂഴി അടിച്ചിപ്പുഴ സ്വദേശിയായ 41 വയസുകാരന് എന്നിവര്ക്കാണ് ജില്ലയില് ഇന്ന് രോഗം സ്ഥിരീകരിച്ചത്.
ജില്ലയില് ഇതുവരെ ആകെ 273 പേര്ക്ക് രോഗം സ്ഥിരീകരിച്ചിട്ടുണ്ട്. കോവിഡ് മൂലം ജില്ലയില് ഇതുവരെ ഒരാള് മരണമടഞ്ഞിട്ടുണ്ട്. ഇന്ന് ജില്ലയില് 14 പേര് രോഗമുക്തരായി. ആകെ രോഗമുക്തരായവരുടെ എണ്ണം 102 ആണ്. നിലവില് പത്തനംതിട്ട ജില്ലയില് 170 പേര് രോഗികളായിട്ടുണ്ട്. ഇതില് 164 പേര് ജില്ലയിലും ആറു പേര് ജില്ലയ്ക്ക് പുറത്തും ചികിത്സയിലാണ്. ഇതു കൂടാതെ ആലപ്പുഴ ജില്ലയില് നിന്നുമുളള ഓരാള് പത്തനംതിട്ടയില് ചികിത്സയില് ഉണ്ട്. പത്തനംതിട്ട ജനറല് ആശുപത്രിയില് 67 പേരും കോഴഞ്ചേരി ജില്ലാ ആശുപത്രിയില് 12 പേരും അടൂര് ജനറല് ആശുപത്രിയില് ഒരാളും റാന്നി മേനാംതോട്ടം സിഎഫ്എല്ടിസിയില് 67 പേരും പന്തളം അര്ച്ചന സിഎഫ്എല്ടിസിയില് 30 പേരും ഐസൊലേഷനില് ഉണ്ട്. സ്വകാര്യ ആശുപത്രികളില് ഒന്പതു പേര് ഐസൊലേഷനില് ഉണ്ട്. ജില്ലയില് ആകെ 186 പേര് വിവിധ ആശുപത്രികളില് ഐസോലേഷനില് ആണ്. ഇന്ന് പുതിയതായി 11 പേരെ ഐസൊലേഷനില് പ്രവേശിപ്പിച്ചു.
ജില്ലയില് 401 കോണ്ടാക്ടുകള് നിരീക്ഷണത്തില് ഉണ്ട്. മറ്റ് സംസ്ഥാനങ്ങളില് നിന്നും തിരിച്ചെത്തിയ 3102 പേരും വിദേശത്തുനിന്നും തിരിച്ചെത്തിയ 2321 പേരും നിലവില് നിരീക്ഷണത്തിലാണ്. വിദേശത്തുനിന്നും ഇന്ന് തിരിച്ചെത്തിയ 266 പേരും മറ്റ് സംസ്ഥാനങ്ങളില് നിന്നും ഇന്ന് എത്തിയ 153 പേരും ഇതില് ഉള്പ്പെടുന്നു.
ആകെ 5826 പേര് നിരീക്ഷണത്തിലാണ്. ജില്ലയില് വിദേശത്തുനിന്നും മറ്റ് സംസ്ഥാനങ്ങളില് നിന്നും തിരിച്ചെത്തുന്നവരെ താമസിപ്പിക്കുന്നതിന് 136 കോവിഡ് കെയര് സെന്ററുകള് സജ്ജീകരിച്ചിട്ടുണ്ട്. ഇവയില് നിലവില് 1282 പേര് താമസിക്കുന്നുണ്ട്.
ജില്ലയില് നിന്ന് ഇന്ന് 313 സാമ്പിളുകള് പരിശോധനയ്ക്ക് അയച്ചിട്ടുണ്ട്. ഇതുവരെ ജില്ലയില് നിന്നും 14251 സാമ്പിളുകള് ആണ് പരിശോധനയ്ക്കായി അയച്ചിട്ടുളളത്. ജില്ലയില് ഇന്ന് 171 സാമ്പിളുകള് നെഗറ്റീവായി റിപ്പോര്ട്ട് ചെയ്തു. ഇന്നു വരെ അയച്ച സാമ്പിളുകളില് 269 എണ്ണം പൊസിറ്റീവായും 12738 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 800 സാമ്പിളുകളുടെ ഫലം ലഭിക്കാനുണ്ട്.
ജില്ലാ മെഡിക്കല് ഓഫീസറുടെ കണ്ട്രോള് റൂമില് 36 കോളുകളും ജില്ലാ ദുരന്തനിവാരണ വിഭാഗത്തിന്റെ കണ്ട്രോള് റൂമില് 128 കോളുകളും ലഭിച്ചു. ക്വാറന്റൈനിലുളള ആളുകള്ക്ക് നല്കുന്ന സൈക്കോളജിക്കല് സപ്പോര്ട്ടിന്റെ ഭാഗമായി ഇന്ന് 976 കോളുകള് നടത്തുകയും 155 പേര്ക്ക് കൗണ്സലിംഗ് നല്കുകയും ചെയ്തു.
ഇന്ന് നടന്ന ആശുപത്രി ജീവനക്കാര്ക്കുളള പരിശീലന പരിപാടിയില് 16 ഡോക്ടര്മാര്ക്കും 13 സ്റ്റാഫ് നേഴ്സുമാര്ക്കും, ഒരു ലാബ് ടെക്നീഷ്യനും ഉള്പ്പെടെ 30 പേര്ക്ക് കോവിഡ് പ്രിപ്പയേഡ്നെസ് പരിശീലനം നല്കി. ജില്ലാ കളക്ടറുടെ നേതൃത്വത്തിലുളള ദൈനംദിന അവലോകനയോഗം വൈകുന്നേരം 4.30 ന് ജില്ലാ കളക്ടറുടെ ചേമ്പറില് നടന്നു. പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ് ജില്ലാ മെഡിക്കല് ഓഫീസറുടെ ചേമ്പറില് കൂടി.
