പത്തനംതിട്ട കളക്ടറേറ്റ് : ജില്ലയില് ഇന്ന് (14) പുതിയ ഒരു കേസ് കണ്ടെത്തി. കുവൈറ്റില് നിന്നും മേയ് ഒന്പതിന് തിരിച്ചെത്തിയ 26 വയസുകാരിക്കാണ് കോവിഡ് പോസിറ്റീവ് കണ്ടെത്തിയത്. ഇവരെ നിലവില് പത്തനംതിട്ട ജനറല് ആശുപത്രിയില് പ്രവേശിപ്പിച്ചിരിക്കുകയാണ്.
ജനറല് ആശുപത്രി പത്തനംതിട്ടയില് രണ്ടു പേരും ജില്ലാ ആശുപത്രി കോഴഞ്ചേരിയില് അഞ്ചു പേരും ജനറല് ആശുപത്രി അടൂരില് ഒരാളും ഐസൊലേഷനില് ഉണ്ട്. സ്വകാര്യ ആശുപത്രികളില് ആരും ഐസൊലേഷനില് ഇല്ല. ജില്ലയില് എട്ടു പേര് വിവിധ ആശുപത്രികളില് ഐസോലേഷനില് ആണ്. ഇന്ന് പുതിയതായി രണ്ടു പേരെ ഐസൊലേഷനില് പ്രവേശിപ്പിച്ചു. കഴിഞ്ഞ ന്യൂസ് ബുളളറ്റിനുശേഷം ഒരാളെ ഡിസ്ചാര്ജ് ചെയ്തു. രോഗബാധ പൂര്ണമായും ഭേദമായ 17 പേര് ഉള്പ്പെടെ ആകെ 198 പേരെ ഇതുവരെ ആശുപത്രി ഐസൊലേഷനില് നിന്നും ഡിസ്ചാര്ജ് ചെയ്തിട്ടുണ്ട്. ജില്ലയില് പോസിറ്റീവായി കണ്ടെത്തിയ കേസിന്റെ അഞ്ച് പ്രൈമറി കോണ്ടാക്ടുകള് നിരീക്ഷണത്തില് ഉണ്ട്. തമിഴ്നാട്ടില് പോസിറ്റീവായി കണ്ടെത്തിയ കേസിന്റെ അഞ്ച് പ്രൈമറി കോണ്ടാക്ടുകള് നിലവില് നിരീക്ഷണത്തില് ഉണ്ട്. മറ്റ് സംസ്ഥാനങ്ങളില് നിന്നും തിരിച്ചെത്തിയ 1391 പേരും വിദേശത്തുനിന്നും തിരിച്ചെത്തിയ 144 പേരും നിലവില് നിരീക്ഷണത്തിലാണ്. മറ്റ് സംസ്ഥാനങ്ങളില് നിന്നും ഇന്ന് എത്തിയ 138 പേരും വിദേശത്തുനിന്നും തിരിച്ചെത്തിയ ആറു പേരും ഇതില് ഉള്പ്പെടുന്നു. ആകെ 1545 പേര് നിരീക്ഷണത്തിലാണ്. ജില്ലയില് വിദേശത്തുനിന്നും മറ്റ് സംസ്ഥാനങ്ങളില് നിന്നും തിരിച്ചെത്തുന്നവരെ താമസിപ്പിക്കുന്നതിന് ഇതുവരെ 56 കോവിഡ് കെയര് സെന്ററുകള് സജ്ജീകരിച്ചിട്ടുണ്ട്. ഇവയില് നിലവില് ആകെ 304 പേരെ താമസിപ്പിച്ചിട്ടുണ്ട്.
ജില്ലയില് നിന്ന് ഇന്ന് 188 സാമ്പിളുകള് പരിശോധനയ്ക്ക് അയച്ചിട്ടുണ്ട്. ഇതുവരെ ജില്ലയില് നിന്നും 5067 സാമ്പിളുകള് ആണ് പരിശോധനയ്ക്കായി അയച്ചിട്ടുളളത്. ജില്ലയില് ഇന്ന് 88 സാമ്പിളുകള് നെഗറ്റീവായി റിപ്പോര്ട്ട് ചെയ്തു. ഇന്നുവരെ അയച്ച സാമ്പിളുകളില് 19 എണ്ണം പൊസിറ്റീവായും 4554 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 323 സാമ്പിളുകളുടെ ഫലം ലഭിക്കാനുണ്ട്.
ജില്ലയുടെ അതിരുകളില് 15 സ്ഥലങ്ങളിലായി 155 ടീമുകള് ഇന്ന് ആകെ 16370 യാത്രികരെ സ്ക്രീന് ചെയ്തു. ഇതരസംസ്ഥാനങ്ങളില് നിന്നും എത്തിയ പത്തനംതിട്ട ജില്ലക്കാരായ 22 പേരെ കോവിഡ് കയര് സെന്ററുകളിലേക്ക് റഫര് ചെയ്തു. ആകെ 14815 പേര്ക്ക് ബോധവത്ക്കരണം നല്കി. ഇന്റഗ്രേറ്റഡ് വോയിസ് റസ്പോണ്സ് സിസ്റ്റത്തില് ഇന്ന് അഞ്ചു കോളുകള് ലഭിച്ചു (ഫോണ് നമ്പര്9205284484). ഇവയെല്ലാം കണ്ട്രോള് റൂമുമായി ബന്ധപ്പെട്ടവ ആയിരുന്നു. അന്യ സംസ്ഥാന തൊഴിലാളികള്ക്കായി ആരംഭിച്ച പ്രത്യേക ഇന്റഗ്രേറ്റഡ് വോയിസ് റസ്പോണ്സ് സിസ്റ്റത്തില് (ഫോണ് നമ്പര് – 9015978979) ഇന്ന് 14 കോളുകള് ലഭിച്ചു. ഇവയില് മൂന്നു കോളുകള് നോണ് മെഡിക്കല് ആവശ്യങ്ങളുമായി ബന്ധപ്പെട്ടവയും, 11 കോളുകള് തിരികെ പോകുന്നതുമായി ബന്ധപ്പെട്ടവയും ആയിരുന്നു. 441 പേര് ഇന്ന് തിരിച്ചുപോകുന്നതിന് സൗകര്യം ഒരുക്കണമെന്ന് അറിയിച്ചിട്ടുണ്ട്.
ക്വാറന്റൈനിലുളള ആളുകള്ക്ക് നല്കുന്ന സൈക്കോളജിക്കല് സപ്പോര്ട്ടിന്റെ ഭാഗമായി ഇന്ന് 357 കോളുകള് നടത്തുകയും, 16 പേര്ക്ക് കൗണ്സലിംഗ് നല്കുകയും ചെയ്തു. ഇന്ന് മൂന്നു സെഷനിലായി പരിശീലന പരിപാടികള് നടന്നു. നാലു ഡോക്ടര്മാരും, 15 നഴ്സുമാരും, 33 മറ്റ് ജീവനക്കാരും ഉള്പ്പെടെ ആകെ 52 പേര്ക്ക് കോവിഡ് അവയര്നസ് പരിശീലനം നല്കി. ഇതുവരെ 619 ഡോക്ടര്മാര്ക്കും, 1539 സ്റ്റാഫ് നഴ്സുമാര്ക്കും, 3690 മറ്റ് ജീവനക്കാര്ക്കും കോവിഡ് അവയര്നസ്, പിപിഇ പരിശീലനവും, 265 ഡോക്ടര്മാര്ക്കും, 374 സ്റ്റാഫ് നഴ്സുമാര്ക്കും ഐസിയു/വെന്റിലേറ്റര് പരിശീലനവും 13 ഡോക്ടര്മാരും, 29 നഴ്സുമാരും, മൂന്നു ഫാര്മസിസ്റ്റ്, 25 അറ്റന്ഡര്മാര് 112 ജൂനിയര് ഹെല്ത്ത് ഇന്സ്പെക്ടര്/ജൂനിയര് പബ്ലിക്ക് ഹെല്ത്ത് നഴ്സ് എന്നിവര് ഉള്പ്പെടെ ആകെ 182 പേര്ക്ക് സിസിസി/ സിഎഫ്എല്ടിസി പരിശീലനവും നല്കിയിട്ടുണ്ട്.
ജില്ലയിലെ എംപി, എംഎല്എമാര്, ജില്ലാ പഞ്ചായത്ത് പ്രസിഡന്റ്, മറ്റ് തദ്ദേശസ്വയംഭരണ സ്ഥാപനങ്ങളിലെ പ്രസിഡന്റുമാര്, ജില്ലാ കളക്ടര്, ജില്ലാ മെഡിക്കല് ഓഫീസര് എന്നിവരുടെ വീഡിയോ കോണ്ഫറന്സ് ഇന്ന് നടന്നു. കോവിഡ്, കോവിഡ് ഇതര പ്രതിരോധ പ്രവര്ത്തനങ്ങള് അവലോകനം ചെയ്തു. ജില്ലയിലെ സ്വകാര്യ ആശുപത്രികളുടെ പ്രതിനിധികളുടെ യോഗം ജില്ലാ കളക്ടറുടെ ചേമ്പറില് നടന്നു. ജില്ലാ കളക്ടറുടെ നേതൃത്വത്തിലുളള ദൈനംദിന അവലോകനയോഗം വൈകുന്നേരം 4.30 ന് ജില്ലാ കളക്ടറുടെ ചേമ്പറില് നടന്നു.
