ന്യൂഡല്ഹി : രാജ്യത്ത് കൊവിഡ് രോഗികളുടെ എണ്ണത്തില് വര്ധന. കഴിഞ്ഞ 24 മണിക്കൂറിനിടെ 41,157 പേര്ക്കാണ് രോഗം സ്ഥിരീകരിച്ചത്. 518 മരണങ്ങള് കൂടി കൊവിഡ് മൂലമാണെന്ന് സ്ഥിരീകരിച്ചു. ഇതോടെ രാജ്യത്ത് കൊവിഡ് ബാധിച്ച് മരിച്ചവരുടെ എണ്ണം 4,13,609 ആയി ഉയര്ന്നു.
ഇന്നലെ മാത്രം 42,004 പേരാണ് രോഗമുക്തി നേടിയത്. ഇതോടെ രാജ്യത്താകമാനം ഇതുവരെ 3,02,69,796 പേര് രോഗമുക്തരായി. രോഗമുക്തി നിരക്ക് 97.31 ശതമാനമായി വര്ധിച്ചതായി കേന്ദ്ര ആരോഗ്യ മന്ത്രാലയം വാര്ത്താകുറിപ്പില് അറിയിച്ചു. രാജ്യത്ത് നിലവില് ചികിത്സയിലുള്ളത് 4,22,660 പേരാണ്. ആകെ രോഗബാധിതരുടെ 1.36 ശതമാനമാണിത്.
പ്രതിവാര രോഗസ്ഥിരീകരണ നിരക്ക് 5 ശതമാനത്തില് താഴെയായി തുടരുകയാണ്. നിലവില് ഇത് 2.08 ശതമാനമാണ് പ്രതിദിന രോഗസ്ഥിരീകരണ നിരക്ക് 2.13 ശതമാനവും. തുടര്ച്ചയായ 27-ാം ദിവസമാണ് 3 ശതമാനത്തില് താഴെ നിരക്ക് റിപ്പോര്ട്ട് ചെയ്യുന്നത്.
പരിശോധനാശേഷി ഗണ്യമായി വര്ധിപ്പിച്ചതായും ഇതുവരെ ആകെ 44.39 കോടി പരിശോധനകള് നടത്തിയതായും മന്ത്രാലയം അറിയിച്ചു. രാജ്യവ്യാപക പ്രതിരോധ കുത്തിവയ്പ് പരിപാടിയുടെ ഭാഗമായി ഇതുവരെ 40.49 കോടി ഡോസ് വാക്സിനാണ് വിതരണം ചെയ്തതതെന്നും മന്ത്രാലയം വ്യക്തമാക്കി.
