ടോക്യോ : കൊടികയറാന് ദിവസങ്ങള് മാത്രം ബാക്കിനില്ക്കേ ടോക്യോ ഒളിമ്പിക് വില്ലേജിലെ രണ്ടുപേര്ക്ക് കൂടി കോവിഡ് സ്ഥിരീകരിച്ചു. അത്ലറ്റുകള്ക്കാണ് കോവിഡ് സ്ഥിരീകരിച്ചത്. അധികൃതര് അറിയിച്ചതാണ് ഇക്കാര്യം.
ആദ്യമായാണ് ഒളിമ്പിക് വില്ലേജില് അത്ലറ്റ്കള്ക്ക് കോവിഡ് സ്ഥിരീകരിക്കുന്നത്. ഒളിമ്പിക് മത്സരങ്ങള് തുടങ്ങാന് ഇനി അഞ്ചുദിവസം കൂടി മാത്രമേയുള്ളൂ. ഒളിമ്പിക് വില്ലേജില് കഴിഞ്ഞദിവസം ഒരു ഒഫീഷ്യലിന് കോവിഡ് സ്ഥിരീകരിച്ചിരുന്നു. ഹോട്ടലില് നിരീക്ഷണത്തിലാണ് അദ്ദേഹം. ഒളിമ്പിക് വില്ലേജില് കൂടുതല് പേരില് കോവിഡ് സ്ഥിരീകരിക്കുന്നത് സംഘാടകരെയും ജപ്പാനെയും ആശങ്കയിലാഴ്ത്തുന്നുണ്ട്.
ലോകമെമ്പാടുമുള്ള 10,000ത്തിലധികം പേരാണ് ഒളിമ്പിക് വില്ലേജിലെത്തുക. കോവിഡ് വ്യാപനത്തിന്റെ പശ്ചാത്തലത്തില് 2020ല് ഒളിമ്പിക്സ് മാറ്റിവെച്ചിരുന്നു. പിന്നീട് കര്ശന കോവിഡ് മാനദണ്ഡങ്ങളോടെ ഒളിമ്പിക്സ് നടത്താനായിരുന്നു തീരുമാനം.
