തിരുവനന്തപുരം: സംസ്ഥാനത്ത് രണ്ട് ജില്ലകളില് കോവിഡ് കേസകള് കൂടുതലാണെന്ന് റിപ്പോര്ട്ടുകള്. തിരുവനന്തപുരം, എറണാകുളം എന്നീ ജില്ലകളിലാണ് കൊവിഡ് കേസുകള് കൂടുതലായി രേഖപ്പെടുത്തിയത്. അതേസമയം സംസ്ഥാനത്ത് കോവിഡ് കേസുകളില് നേരിയ വര്ധനവിനെ തുടര്ന്ന് മന്ത്രി വീണാ ജോര്ജ് ജാഗ്രതാ നിര്ദേശം പുറപ്പെടുവിച്ചിട്ടുണ്ട്. ആവശ്യമായ സജ്ജീകരണങ്ങള് ഒരുക്കാന് ആശുപത്രികള്ക്കും ആരോഗ്യവകുപ്പ് നിര്ദേശം നല്കിയിട്ടുണ്ട്. പ്രായമായവരും കുട്ടികളും ഗര്ഭിണികളും മാസ്ക് ധരിക്കണം. നിരീക്ഷണം ശക്തമാക്കണമെന്നും മന്ത്രി വീണാ ജോര്ജ് ആവശ്യപ്പെട്ടു.
ഐസിയു, വെന്റിലേറ്റര് ആശുപത്രി സംവിധാനങ്ങള് കൂടുതല് മാറ്റിവയ്ക്കാനും മന്ത്രി നിര്ദേശം നല്കിയിട്ടുണ്ട്. സംസ്ഥാനത്ത് ഇന്നലെ 172 കേസുകളാണ് സ്ഥിരീകരിച്ചത്. കൂടുതല് രോഗബാധിതര് തിരുവനന്തപുരത്താണെന്നും മന്ത്രി പറഞ്ഞു. 111 പേരാണ് ആശുപത്രിയില് ചികിത്സയിലുള്ളത്. ആകെ 1026 കൊവിഡ് ആക്ടീവ് കേസുകളാണുള്ളത്. എല്ലാ ജില്ലകള്ക്കും ജാഗ്രതാ നിര്ദേശം നല്കിയിട്ടുണ്ട്. നിരീക്ഷണം ശക്തിപ്പെടുത്താന് മന്ത്രി നിര്ദേശം നല്കി.