തിരുവനന്തപുരം : സംസ്ഥാനത്താകെ കോവിഡ് വ്യാപനം മൂര്ഛിക്കുന്ന സാഹചര്യത്തില് കലാലയങ്ങള് അടക്കുന്ന കാര്യം ആലോചിക്കുകയാണെന്ന് ഉന്നതവിദ്യാഭ്യാസ-സാമൂഹ്യനീതി വകുപ്പ് മന്ത്രി ആര് ബിന്ദു. വാര്ത്താക്കുറിപ്പിലാണ് മന്ത്രി ഇക്കാര്യം അറിയിച്ചത്. പഠനം ഓണ്ലൈനാക്കുന്ന കാര്യമാണ് പരിശോധിക്കുന്നത് എന്ന് പറഞ്ഞ മന്ത്രി വ്യാഴാഴ്ച ചേരുന്ന കോവിഡ് അവലോകന സമിതിയുടെ നിര്ദേശംകൂടി പരിഗണിച്ചാവും ഇക്കാര്യത്തില് തീരുമാനം എടുക്കുകയെന്നും അറിയിച്ചു. ക്ലസ്റ്ററുകള് രൂപപ്പെട്ടാല് പതിനഞ്ച് ദിവസത്തേക്ക് അടച്ചിടാന് പ്രിന്സിപ്പല്മാര്ക്ക് നിര്ദേശം നല്കിയിട്ടുണ്ടെന്നും മന്ത്രി അറിയിച്ചു.
