ലണ്ടന്: കോവിഡ് വൈറസ് ബാധിച്ചവരില് മാസങ്ങള്ക്ക് ശേഷവും രോഗലക്ഷണങ്ങള് ഉണ്ടാകുമെന്ന് പഠനം. കോവിഡിന്റെ ദീര്ഘകാല പ്രത്യാഘാതത്തെക്കുറിച്ചുള്ള പഠനത്തിലാണ് രോഗമുക്തി നേടിയവരില് വീണ്ടും ലക്ഷണങ്ങള് അനുഭവപ്പെട്ടേക്കാമെന്ന് കണ്ടെത്തിയിരിക്കുന്നത്.
വൈറസില് നിന്നും രോഗമുക്തി നേടിയ ധാരാളം പേരില് രണ്ടോ മൂന്നോ മാസങ്ങള്ക്ക് ശേഷം ശ്വാസോച്ഛ്വാസവുമായി ബന്ധപ്പെട്ട ബുദ്ധിമുട്ട്, ക്ഷീണം, ഉത്കണ്ഠ, വിഷാദം എന്നീ ലക്ഷണങ്ങള് അനുഭവപ്പെടുന്നുണ്ടെന്ന് ഓക്സ്ഫോര്ഡ് സര്വകലാശാല അറിയിച്ചു.
കോവിഡ് ബാധിച്ചവരില് ഒന്നിലധികം അവയവങ്ങളില് അസാധാരണതകളുണ്ടെന്നും ഗവേഷകര് കണ്ടെത്തി. അതിജീവിച്ചവരില് അവയവങ്ങളിലെ വീക്കം പോലുള്ളവ കോവിഡ് മൂലം ഉണ്ടായതാകുമെന്നും ഗവേഷകര് പറയുന്നു.
