മനാമ:. ബഹ്റൈനില് കോവിഡ് ബാധിച്ച് ഒരു മലയാളി കൂടി മരിച്ചു. കണ്ണൂര് ചാലാട് സ്വദേശി പോള് സോളമന്(61) ആണ് മരിച്ചത്. ബഹ്റൈന് പോലീസ് ബാന്ഡിലെ മ്യൂസിഷ്യന് ആയിരുന്നു. കോവിഡ് ബാധിച്ചതിനെ തുടര്ന്ന് ശ്വാസതടസം അനുഭവപ്പെട്ട് ചികിത്സയില് കഴിയുകയായിരുന്നു. മികച്ച ട്രംപറ്റ് വായനക്കാരനായിരുന്ന പോള് മലയാളി സംഗീത സദസുകളിലെ നിറസാന്നിദ്ധ്യമായിരുന്നു. പോള് സോളമന്റെ ഭാര്യ ലിനി നാട്ടിലാണ്. മകന് റെയ്ഗന് ഉപരിപഠനാര്ഥം യു കെയിലാണ്. മൃതദേഹം ബഹ്റൈനില് തന്നെ സംസ്കരിക്കുമെന്ന് ബന്ധപ്പെട്ടവര് അറിയിച്ചു.
