കുവൈത്ത് സിറ്റി : കൊറോണ ബാധിച്ച് ചികിൽസയിൽ കഴിഞ്ഞിരുന്ന മലയാളി കുവൈത്തിൽ മരണമടഞ്ഞു. കണ്ണൂർ താഴെ ചൊവ്വ സ്വദേശി അജയൻ മാമ്പുറത്ത് (62) ആണ് ഇന്ന് മരണമടഞ്ഞത്. കൊറോണ വൈറസ് ബാധയെ തുടർന്ന് അദാൻ ആശുപത്രിയിൽ തീവ്ര പരിചരണ വിഭാഗത്തിൽ ചികിത്സയില് ആയിരുന്നു. അൽ മെൻ കമ്പനിയിൽ മെക്കാനിക്കൽ സൂപ്പർ വൈസറായി ജോലി ചെയ്തു വരികയായിരുന്നു അജയന്. ഭാര്യ സുപർണ്ണ. മക്കൾ അജേഷ് , സ്വാതി. മൃതദേഹം കോവിഡ് പ്രോട്ടൊകോൾ അനുസരിച്ച് കുവൈത്തിൽ സംസ്കരിക്കും.
