പൂനെയില്‍ ഒരു കൊവിഡ് മരണം കൂടി റിപ്പോര്‍ട്ട് ചെയ്തു

പൂനെ : കൊവിഡ് അതിരൂക്ഷമാകുന്ന മഹാരാഷ്ട്രയിലെ പൂനെയില്‍ ഒരു കൊവിഡ് മരണം കൂടി റിപ്പോര്‍ട്ട് ചെയ്തു. 65 കാരിയാണ് രോഗബാധയേറ്റ് ഇന്ന് മരിച്ചത്. ഇതോടെ പൂനെയില്‍ മാത്രം കൊവിഡ് ബാധിച്ച്‌ മരിച്ചവരുടെ എണ്ണം 44 ആയി. അതേസമയം ചേരി പ്രദേശമായ ധാരാവിയില്‍ 11 പേര്‍ക്ക് കൂടി ഇന്ന് കൊവിഡ് ബാധ സ്ഥിരീകരിച്ചു. ഇതോടെ ധാരാവിയില്‍ മാത്രം കൊവിഡ് ബാധിച്ചവരുടെ എണ്ണം 71 ആയി ഉയര്‍ന്നു. എന്നാല്‍ മഹാരാഷ്ട്രയില്‍ കൊവിഡ് ബാധിതരുടെ എണ്ണം 3000 കടന്നു. മുംബൈ, പൂനെ, താനെ, നാഗ്പൂര്‍, സംഗ്ലി, അഹ്മദ്‌നഗര്‍, യവത്മല്‍, ഔറംഗാബാദ്, ബുല്‍ധാന, നാസിക്, ഒഡീഷ, ഖോര്‍ദ. മുംബൈ സബര്‍ബന്‍ എന്നിവയാണ് സംസ്ഥാനത്തെ ഹോട്ട്‌സ്‌പോട്ടുകള്‍. 187 ആണ് മഹാരാഷ്ട്രയിലെ ആകെ മരണസംഖ്യ. 295 പേര്‍ സംസ്ഥനത്ത് ഇതുവരെ രോഗമുക്തരായി.