റിയാദ് : കൊവിഡ് ബാധിച്ച് സൗദി അറേബ്യയില് ഒരു മലയാളി കൂടി മരിച്ചു. മലപ്പുറം മഞ്ചേരി മഞ്ഞപ്പറ്റ സ്വദേശി ഡൊമിനിക് (38) ആണ് മരിച്ചത്. ഇതോടെ ഗള്ഫില് കൊവിഡ് ബാധിച്ച് മരിച്ച മലയാളികളുടെ എണ്ണം 169 ആയി. പനിയും ശ്വാസതടസ്സവും മൂലം ദവാദ്മി ജനറല് ആശുപത്രിയില് കഴിഞ്ഞ മാസം 17 മുതല് ചികിത്സയിലായിരുന്നു ഡൊമിനിക്. ന്യൂമോണിയ മൂര്ച്ഛിച്ചതിനാല് മെയ് 25ന് തീവ്രപരിചരണ വിഭാഗത്തിലേക്ക് മാറ്റിയിരുന്നു. സൗദി അരാംകോയുടെ അല്യമാമ പ്രൊജക്ടില് 18 വര്ഷമായി സൂപര്വൈസറായി ജോലി ചെയ്തുവരികയായിരുന്നു ഇദ്ദേഹം. ഒരു വര്ഷം മുമ്പാണ് അവസാനമായി നാട്ടില് പോയി മടങ്ങിയെത്തിയത്. ഏപ്രിലില് നാട്ടില് പോകാനുള്ള തയ്യാറെടുപ്പില് ആയിരുന്നു. പിതാവ്: ജോണ്. മാതാവ്: മേരിക്കുട്ടി. ഭാര്യ: റൂബി. മക്കള്: ആല്വിന, അയന.
